South Heros : భారత సినీ ప్రేక్షకుల అభిరుచులపై క్రమం తప్పకుండా పరిశోధనలు చేసే ప్రముఖ మీడియా కన్సల్టింగ్ సంస్థ ఆర్మాక్స్ మీడియా తాజాగా విడుదల చేసిన “స్టార్స్ ఇండియా లవ్స్” సర్వే ఆసక్తికర విషయాలను వెల్లడించింది. ఈ సర్వే ప్రకారం, దేశవ్యాప్తంగా అత్యధిక ప్రజాదరణ పొందిన స్టార్ హీరోగా పాన్-ఇండియా డార్లింగ్ ప్రభాస్ అగ్రస్థానాన్ని దక్కించుకున్నారు.
ఒకప్పుడు బాలీవుడ్ హీరోలే జాతీయ స్థాయిలో గౌరవాన్ని పొందేవారు. కానీ ఇప్పుడు ఆ పరిస్థితి పూర్తిగా మారిపోయింది. సౌత్ ఇండియన్ స్టార్ హీరోలు తమ నటనా ప్రతిభ, కథా బలంతో దేశవ్యాప్తంగా అభిమానులను సంపాదిస్తున్నారు. ఈ మార్పును ప్రతిబింబించినట్లుగా ఈ తాజా ర్యాంకింగ్ ఉంది.
టాప్ 10 హీరోల జాబితా ఈ విధంగా ఉంది :
ప్రభాస్
థలపతి విజయ్
షారుఖ్ ఖాన్
అల్లు అర్జున్
అజిత్ కుమార్
మహేష్ బాబు
ఎన్టీఆర్
రామ్ చరణ్
అక్షయ్ కుమార్
సల్మాన్ ఖాన్
South Heros :
ఇక్కడ గమనించదగిన విషయం ఏమిటంటే, ఈ టాప్ 10 జాబితాలో సగం స్థానాలు దక్షిణాది తారలకే చెందాయి. పాన్-ఇండియా ఫిల్మ్స్ పట్ల ప్రేక్షకుల ఆసక్తి, భాషల మధ్య అతివేగంగా చెరగిపోతున్న భేదాలు ఈ ర్యాంకింగ్లో స్పష్టంగా కనిపిస్తున్నాయి.
ప్రభాస్, బాహుబలి తర్వాత సాహో, ఆదిపురుష్, సలార్ వంటి భారీ బడ్జెట్ సినిమాలతో దేశవ్యాప్తంగా తన ముద్ర వేసుకున్నాడు. ఫ్యాన్ ఫాలోయింగ్ పరంగా, ఆయనకు ఉత్తర నుంచి దక్షిణం వరకు ఎలాంటి భాషా పరిమితి లేదన్నది మరోసారి నిరూపితమైంది.
ఈ సర్వే ఫలితాలు స్టార్ హీరోలకు మాత్రమే కాదు, నిర్మాతలకు, డిస్ట్రిబ్యూటర్లకు, మార్కెటింగ్ స్ట్రాటజీలకు కూడా కీలక సంకేతాలుగా మారాయి. పాన్-ఇండియా సినిమా మార్కెట్ ఎంత విస్తృతమవుతోందో, ప్రేక్షకులు గుణాత్మక కథనాలపైనే దృష్టి పెడుతున్నారో ఇది చాటిచెప్పుతోంది.
సర్వేలో నెంబర్ వన్ స్థానాన్ని కైవసం చేసుకున్న ప్రభాస్‌కు ఇది మరొక గర్వకారణం మాత్రమే కాదు, అభిమానులపై అతడి ప్రభావం ఇంకా ఎంతగానో కొనసాగుతున్నదీ స్పష్టంగా చూపిస్తోంది.
