ఈ సినిమాల ప్రమోషన్లలో భాగంగా మృణాల్ చేసిన వ్యాఖ్యలు ప్రస్తుతం చర్చనీయాంశంగా మారాయి. తనకు తల్లి కావాలన్న కోరిక బలంగా ఉందని, పెళ్లి చేసుకుని పిల్లల్ని కనాలనిపిస్తోందని ఆమె వెల్లడించారు. అయితే, ప్రస్తుతానికి అది సరైన సమయం కాదని ఆమె స్పష్టం చేశారు. తాను ప్రస్తుతం పూర్తిగా తన కెరీర్పైనే దృష్టి సారించానని, ఇంకా చాలా ఉన్నత స్థాయికి చేరుకోవాల్సి ఉందని తెలిపారు.
Mrunal Thakur: కెరీర్కు బ్రేక్ పడే ప్రమాదం..
సాధారణంగా హీరోయిన్లు పెళ్లి చేసుకున్న తర్వాత సినిమా అవకాశాలు తగ్గిపోతాయని, కెరీర్కు బ్రేక్ పడే ప్రమాదం ఉందని సినీ పరిశ్రమలో ఒక నమ్మకం ఉంది. మృణాల్ కూడా ఈ అభిప్రాయంతోనే ఉన్నట్టు కనిపిస్తోంది. అందుకే తాను ఇప్పట్లో పెళ్లి గురించి ఆలోచించదలచుకోలేదని తేల్చిచెప్పింది. “పెళ్లి అనేది ఒక పెద్ద బాధ్యత. కానీ ప్రస్తుతం నా ప్రయాణం మధ్యలోనే ఉంది. నేను ఇంకా అనుకున్న స్థాయికి చేరుకోలేదు. అందుకే ఆ నిర్ణయం తీసుకోవడానికి ఇంకా చాలా సమయం ఉంది,” అంటూ తన భవిష్యత్ ప్రణాళికలపై స్పష్టతనిచ్చింది.
మృణాల్ నిర్ణయం ఆమె అభిమానులకు సంతోషాన్ని కలిగిస్తోంది. ప్రస్తుతం ఆమె కెరీర్ మంచి ఊపులో ఉన్నందున, పెళ్లి తర్వాత పాత్రల ఎంపికపై ఆంక్షలు, అవకాశాల కొరత వంటి పరిస్థితులను గతంలో ఎదుర్కొన్న అనేక మంది ప్రతిభావంతులైన హీరోయిన్ల అనుభవాలు ఆమెను ఈ నిర్ణయం వైపు నడిపించాయని చెప్పవచ్చు. మొత్తానికి, మృణాల్ ఠాకూర్ ఇప్పుడు తన కెరీర్పై పూర్తి స్థాయిలో దృష్టి సారించిందని, పెళ్లికి ఇంకా చాలా కాలం పడుతుందని స్పష్టం చేసింది. భవిష్యత్తులోనూ వరుసగా మంచి సినిమాలతో ఆమె ప్రేక్షకులను అలరిస్తూనే ఉండబోతున్నట్టు కనిపిస్తోంది.