Swayambhu: బాహుబలి ని గుర్తు చేస్తున్న స్వయంభు టీజర్..నిఖిల్ రేంజ్ మారుతుందా?..అవును తాజాగా నిఖిల్ సిద్ధార్థ్ హీరోగా నటిస్తున్న పాన్ ఇండియా సినిమా స్వయంభు టీజర్ వచ్చాక సినీ లవర్స్ మాట్లాడుతున్న మాటలివి. భరత్ కృష్ణమాచార్య దర్శకత్వంలో రూపొందుతున్న ఈ ఎపిక్ మూవీ ప్రస్తుతం పోస్ట్ ప్రొడక్షన్స్ వర్క్ జరుపుకుంటోంది. హ్యాపీడేస్ సినిమాలో జాలీ రోల్ పోషించిన నిఖిల్ ఆ తర్వాత సోలో హీరోగా నిలబడ్డాడు.

హ్యాపీడేస్ సినిమాలో నటించిన ప్రధాన పాత్రల్లో వరుణ్ సందేష్ ప్రస్తుతం ఫేడవుట్ అయినట్టుగా కనిపిస్తోంది. కానీ, ఈ సినిమాలో ఓ రోల్ పోషించిన నిఖిల్ మాత్రం మంచి కథలను ఎంచుకుంటూ ఇప్పుడు పాన్ ఇండియా రేంజ్ సినిమాలలో ఛాన్స్ దక్కించుకునే స్టేజ్‌కి చేరుకున్నాడు. కార్తికేయ 2 మూవీతో 100 కోట్ల మార్క్ చేరుకున్న నిఖిల్..ఇప్పుడు నెక్స్ట్ లెవల్ సినిమాతో వస్తున్నాడు. నిన్నా మొన్నటి వరకూ ఈ మూవీ ఎలా ఉంటుందో అనే మాట్లాడుకున్నారు.

Swayambhu: నిఖిల్ లాంటి మిడ్ రేంజ్ హీరోపై ఇంత బడ్జెట్ పెడితే వర్కౌట్ అవుతుందా! 

నిఖిల్ లాంటి మిడ్ రేంజ్ హీరోపై ఇంత బడ్జెట్ పెడితే వర్కౌట్ అవుతుందా! అనే సందేహాలను వ్యక్తం చేసిన వారున్నారు. కానీ, తాజాగా రిలీజ్ చేసిన స్వయంభు మూవీ టీజర్‌తో మేకర్స్ ఆ ఆలోచనను పూర్తిగా మార్చేసి సినిమాపై మంచి బజ్ క్రియేట్ చేశారు. ముఖ్యంగా మూవీ టీజర్ లో కొన్ని షాట్స్ చూస్తుంటే దర్శక ధీరుడు ఎస్ ఎస్ రాజమౌళి రూపొందించిన పాన్ ఇండియన్ సినిమా సిరీస్ బాహుబలి ని గుర్తు చేస్తున్నాయి.

నిఖిల్ యాక్షన్ షాట్స్..హీరోయిన్ సంయుక్త షాట్స్ చూస్తుంటే ప్రభాస్, అనుష్క లతో రాజమౌళి తీసిన కొన్ని పవర్ ఫుల్ షాట్స్ మక్కీకి మక్కీగా కనిపించాయి. రాజమౌళి మాహిష్మతి సామ్రాజ్యాన్ని ఎస్టాబ్లిష్ చేసినట్టుగానే ఇక్కడ కూడా టీజర్ మొదట్లోనే ఆ షాట్ కనిపిస్తుంది. బాణాలను వదిలే షాట్..నిఖిల్ పొగలోనుంచి రివీల్ అయ్యే షాట్..గిర్రున తిరుగుతూ వెళ్ళి నిఖిల్ చేతిలో పడే కత్తి షాట్..నిఖిల్ జుట్టు గాలికి ఊగే షాట్..శూలం విసిరిన షాట్..ఒక రాయి మీద కూర్చొని కత్తిని నేలకి నిలబెట్టే షాట్..ఇలా బాహుబలి మూవీస్ లో ఉన్న చాలా సిమిలర్ షాట్స్ స్వయంభు టీజర్‌లో కనిపించాయి. ఇక, నభా నటేష్ పాత్ర కూడా తమన్నా లా అనిపించింది. ఏది ఏమైనా టీజర్ మాత్రం మూవీపై భారీ అంచనాలను పెంచేసింది. మరి, ఈ సినిమాతో దర్శకనిత్మాతలకి..నిఖిల్..అలాగే, హీరోయిన్స్‌కి ఎలాంటి సక్సెస్ అందుకుంటారో చూడాలి.