Vastu Tips: ప్రస్తుత కాలంలో ప్రతి ఒక్కరికి తమకంటూ ప్రత్యేకంగా బెడ్ రూమ్ ఉండేలా ఏర్పాట్లు చేసుకుంటున్నారు. ఇలా బెడ్ రూమ్ ఉండటం వల్ల ప్రశాంతంగా నిద్రపోవడమే కాకుండా వారికి నచ్చినట్టు వారు ఉండటానికి వీలు కలుగుతుంది. అలాగే తమ బెడ్రూంలో వారి అభిరుచులకు అనుగుణంగా గదిని అలంకరించుకుంటూ ఉంటారు. ఇలా తమకు ఇష్టం వచ్చిన విధంగా గదిని అలంకరించుకోవడం వల్ల ప్రశాంతమైనటువంటి నిద్ర పడుతుందని భావిస్తారు.
ఇకపోతే చాలామంది పడక గదిలో మంచం కింద ఎన్నో రకాల వస్తువులను నిల్వ చేస్తూ ఉంటారు. ఇలా మంచం కింద కొన్ని వస్తువులను పెట్టడం మనపై నెగిటివ్ ప్రభావం ఏర్పడే పరిస్థితిలో ఉంటాయని వాస్తు నిపుణులు చెబుతున్నారు. మరి మంచం కింద ఏ విధమైనటువంటి వస్తువులను పెట్టకూడదనే విషయానికి వస్తే మంచం కింద పొరపాటున కూడా ఎలక్ట్రానిక్ వస్తువులను పెట్టకూడదు ఇలాంటివి పెట్టడం వల్ల మనలో లేని టెన్షన్ మొదలవుతుంది.
ఇక విరిగిపోయిన వస్తువులను చీపురు, చెప్పులను కూడా మంచం కింద పొరపాటున కూడా పెట్టకూడదు ఇలాంటి వస్తువులను పెట్టడం వల్ల మనపై నెగిటివ్ ప్రభావం ఏర్పడుతుంది. దీంతో భార్యాభర్తల మధ్య కూడా గొడవలు వచ్చే అవకాశాలు ఉంటాయి. విరిగిన ఫోటోలు, అలంకార వస్తువులు కూడా బెడ్ కింద అస్సలు పెట్టకూడదు. ఇలా పెట్టడం వలన జీవితంలో కష్టాలు ఎదురవుతాయి. అలాగే దాంపత్యం జీవితంలో కూడా ఒడిదుడుకులు ఎదురవుతాయని నిపుణులు చెబుతున్నారు.
