Spirituality: సాధారణంగా మనం ఏదైనా కొత్త వాహనం కొనుగోలు చేసిన లేకపోతే ఏదైనా ఆలయానికి వెళ్ళినా అక్కడ స్వామివారికి పూజ చేసిన అనంతరం నిమ్మకాయలను ఇస్తే నిమ్మకాయలను తీసుకెళ్లి మనం మన వాహనాలకు కడుతూ ఉంటాము. అలాగే కొత్త వాహనాలు కనుక తీసుకొస్తే ప్రత్యేకంగా పూజలు చేయించి మరి వాహనానికి నిమ్మకాయ కట్టడమే కాకుండా చక్రాల కింద నిమ్మకాయలను పెట్టి ఆ నిమ్మకాయలను తొక్కిస్తూ ఉంటారు. అయితే ఇలా వాహనాలకు నిమ్మకాయను ఎందుకు కడతారు ఇలా కట్టడం వెనుక కారణం ఏంటి అనే విషయానికి వస్తే..
ఇక వాహనానికి నిమ్మకాయతో పాటు మిరపకాయలు కూడా కడతారు. అయితే ఇలా కట్టడం వెనుక కూడా ఒక కారణం ఉందని తెలుస్తుంది. పుల్లగా ఉండే నిమ్మకాయ రసం, కారం నిండి ఉండే మిరపకాయలను వాహనాలకు, దుకాణాల వద్ద వేలాడదీయడం వెనుక జ్యోతిష శాస్త్ర కారణం ఉంది.గ్రహాలలో ఎర్రనిది, ఉగ్రత్వం కలిగినది కుజగ్రహం.
కుజుడు ప్రమాద కారకుడని శాస్త్రనమ్మకం.కుజుని అధిదైవం హనుమంతుడు. అలాగే గ్రహాల్లో శుక్ర గ్రహానికి చెందిన రుచి పులుపు. అభివృద్ధికి, సంపదకు శుక్రుడు కారకుడు. కారం రవిగ్రహానికి చెందినది. అధికారానికి రవి కారకుడు. ఈ క్రమంలోనే కుజుడు రవి ఆవాహనంపై శాంతులై ఉండాలని కోరుతూ వాహనాలకు నిమ్మకాయలు, మిరపకాయలు కడతారు. ఇలా చేయటం వల్ల మనం ప్రయాణిస్తున్న మార్గంలో ఏ విధమైనటువంటి ఆటంకాలు ఇబ్బందులు కలగకుండా ఉంటాయని భావిస్తారు.
