Spirituality: భార్య గర్భవతిగా ఉంటే భర్త కొబ్బరికాయ కొట్టకూడదా..ఎందుకంటే?

Spirituality: మన హిందూ సాంప్రదాయాల ప్రకారం ఎన్నో ఆచార వ్యవహారాలను పాటిస్తూ ఉంటాము. మన సాంప్రదాయాల ప్రకారం ఒక మంచి జన్మించినప్పటి నుంచి తన చివరి రోజు వరకు జరిగే ఎన్నో కార్యక్రమాలను ఎంతో పద్ధతిగా ఆచారాలను పాటిస్తూ చేస్తూ ఉంటాము. ఇకపోతే మహిళలు గర్భం దాల్చిన సమయంలో కూడా కొన్ని జాగ్రత్తలను పాటించాలని పెద్దలు పండితులు చెబుతూ ఉంటారు.

ముఖ్యంగా స్త్రీలు గుడికి వెళ్లడం పూజలు చేయడం వంటివి చేయకూడదని చెబుతుంటారు. అలాగే భార్య కడుపుతో ఉంటే భర్త కూడా కొన్ని పనులు చేయకూడదని పెద్దలు చెబుతుంటారు. ముఖ్యంగా గడ్డం తీసుకోవడం వంటిది చేయకూడదని అలాగే భర్త కొబ్బరికాయ కొట్టకూడదని కూడా పెద్దలు చెబుతుంటారు మరి నిజంగానే కొబ్బరికాయ కొట్టకూడద ఎందుకు కొట్టకూడదనే విషయానికి వస్తే..

భార్య గర్భం దాల్చిన తర్వాత తన శరీరంలో ఒక జీవం ప్రాణం పోసుకుంటుంది. ఇక కొబ్బరికాయను కూడా పూర్ణ ఫలం అంటారు.అది కూడా ఒక జీవుడితో, ఒక ప్రాణముతో సమానముగా మన పూర్వీకులు చెప్పి యున్నారు. కాబట్టి కొబ్బరికాయను పగలగోట్టడము, విచ్చెదన చేయడము మంచిది కాదని పెద్దలు చెబుతుంటారు అందుకే భార్యకు మూడో నెల గర్భం వచ్చినప్పటి నుంచి డెలివరీ అయ్యే వరకు కూడా భర్త కొబ్బరికాయ కొట్టకూడదని పెద్దవాళ్లు చెబుతూ ఉంటారు. ఇలా మన పెద్ద వాళ్ళు చెప్పే ఆచార వ్యవహారాల వెనుక మనం ఆచరించే పద్ధతుల వెనుక ఎన్నో అర్థాలు దాగి ఉన్నాయని చెప్పాలి.