Black Thread Significance: ఇటీవల కాలంలో చాలామంది చిన్నపిల్లల నుంచి మొదలుకొని పెద్దవారి వరకు కూడా తమ చేతికి లేదా కాలికి నల్ల దారం కట్టుకోవడం ఆనవాయితీగా భావిస్తున్నారు. ఇలా కాలికి లేదా చేతికి నల్ల దారం కట్టుకోవడం వల్ల చెడు దృష్టి నుంచి బయటపడవచ్చు అని భావిస్తూ ఉంటారు. అందుకే చాలామంది నల్ల దారం కడుతూ ఉంటారు అయితే ఈ నల్ల దారం కట్టడం వల్ల కలిగే ప్రయోజనాలు ఏంటి అనే విషయాలు పెద్దగా చాలామందికి తెలియదు అదే విధంగా ఈ నల్ల దారం ఎప్పుడు పడితే అప్పుడు కట్టకూడదు. ముఖ్యంగా కొన్ని రాశుల వారు నల్ల దారానికి పూర్తిగా దూరంగా ఉండాలని జ్యోతిష్య నిపుణులు చెబుతున్నారు. మరి నల్ల దారం కట్టుకోవడానికి నియమాలు ఏంటి ఎవరు కట్టుకోకూడదు అనే విషయానికి వస్తే..

మన హిందూ ధర్మ శాస్త్రం ప్రకారం నల్లదారం మనకు ఒక రక్షణ కవచంలా ఉంటుందని భావిస్తాము. నల్ల దారం కట్టుకోవటం వల్ల ఇతరుల చెడు చూపులు వ్యక్తిపై పడకుండా అడ్డుకుంటుందని పెద్దల నమ్మకం.జాతకంలో శని ప్రభావం బలంగా ఉన్నవారు లేదా ఏలినాటి శని, అష్టమ శనితో బాధపడేవారు శనివారం నాడు నల్ల దారం కట్టుకోవడం వల్ల శని బాధల నుంచి బయటపడవచ్చు. ఇకపోతే నల్లదారం కట్టుకునే సమయంలో చాలామంది వారికి వీలు కలిగినప్పుడు కడుతూ ఉంటారు కానీ అలా కట్టకూడదని జ్యోతిష్య శాస్త్రం చెబుతోంది. నల్ల దారం కట్టుకునే సమయంలో కొన్ని నియమాలను కచ్చితంగా పాటించాలి.

Black Thread Significance: శనివారం మాత్రమే శ్రేష్టమైనది..

నల్ల దారం కేవలం శనివారం మాత్రమే ధరించాలని చెబుతున్నారు. శనివారం ఉదయం స్నానం చేసిన అనంతరం శని దేవుడిని స్మరించుకుంటూ ఈ దారం కట్టుకోవాలి ఈ దారం కట్టే సమయంలో “ఓం శం శనైశ్చరాయ నమః ” అనే మంత్రాన్ని 108 సార్లు చదువుకోవాలి. ఇక నల్ల దారం ఎప్పుడు బేసి సంఖ్యలో ఉండేలా చుట్టుకోవాలి. ఇకపోతే నల్ల దారంమేషం, వృశ్చిక రాశుల వారు ధరించకూడదు. ఈ రెండు రాశులకు కుజుడు అధిపతి జ్యోతిష్యశాస్త్రం ప్రకారం, కుజుడికి, శనికి అస్సలు పడదు. కాబట్టి, ఈ రాశుల వారు నల్ల దారం ధరిస్తే జీవితంలో అనవసరమైన గొడవలు, ఆర్థిక ఇబ్బందులు ఎదురయ్యే అవకాశం ఉంటుంది. అందుకే ఈ రెండు రాశుల వారు నల్లదారం ధరించకపోవడం మంచిది.