Vastu Tips: మన హిందూ సంప్రదాయాల ప్రకారం ఎన్నో రకాల జీవరాసులను కూడా దైవ సమానంగా భావిస్తూ ఉంటాము. అందుకే ఎన్నో జీవరాసులకు అన్నం పెట్టడం చేస్తుంటామో అయితే ఈ విధంగా చాలామంది కాకులకు కూడా అన్నం పెడుతూ ఉండటం మనం గమనిస్తూ ఉంటాము. ఇలా కాకులకు ఎందుకు అన్నం పెడతారు, ఇలా అన్నం పెట్టడం వెనుక ఉన్నటువంటి ఆంతర్యం ఏమిటి అనేది చాలామందికి తెలియదు.

కొన్ని ప్రాంతాలలో తాము తినడానికి కంటే ముందుగా ఒక ముద్ద కాకులకు పెడుతూ ఉంటారు. ముఖ్యంగా తమిళనాడులో ఈ ఆచారం ఉంది. ఇలా కాకులకు అన్నం పెట్టడం వల్ల మన పెద్దలను స్మరించుకున్నట్లుగా భావిస్తారు. ఇలా కాకులకు అన్నం పెట్టడం వల్ల పితృదేవతలకు మనశ్శాంతి కలుగుతుందని పితృదేవతల ఆశీర్వాదాలు మన పైనే ఉంటాయని పండితులు చెబుతున్నారు.

ఇక శనీశ్వరుడి వాహనం కాకి అందుకే కాకి అన్నం పెట్టడం వల్ల శని ప్రభావ దోషమున్న తొలగిపోతుందని చాలామంది భావిస్తారు. ఆలయానికి వెళ్లి నవగ్రహాలలో ఉన్నటువంటి శనీశ్వరుడికి నల్లటి నువ్వులతో పూజ చేసిన అనంతరం ఆ నువ్వులు కలిపిన అన్నం కాకులకు పెట్టడం వల్ల పితృ దోషాలతో పాటు శని ప్రభావ దోషాలు తొలగిపోతాయి. అలాగే కర్మఫలం దోషాలు కూడా తొలగిపోతాయని భావిస్తారు. మన పూర్వీకులకు పిండ ప్రదానం చేసినప్పుడు ఆ పిండం కాపులకు పెడతారు అది కాకులు తినటం వల్ల పితృదేవతలు మన పట్ల సంతోషంగా ఉన్నారని ఏ విధమైనటువంటి దోషాలు ఉండవనే అర్థం ఆంటూ పండితులు చెబుతున్నారు.