ALLU ARJUN: ఐకాన్ స్టార్ అల్లు అర్జున్ హీరోగా రూపొందుతున్న లేటెస్ట్ సినిమాకి టైటిల్ ని రివీల్ చేసింది చిత్ర బృందం. అల్లు అర్జున్ పుట్టినరోజు ఏప్రిల్ 8వ తేదీ. ఈ సందర్భంగా తమిళ యువ దర్శకుడు అట్లీ దర్శకత్వంలో తెరకెక్కుతున్న సైన్ ఫిక్షన్ సినిమా టైటిల్ ని ప్రకటించబోతున్నట్టుగా మేకర్స్ కొన్ని గంటల క్రితం అప్‌డేట్ ఇచ్చారు. దీనికి సంబందించిన ప్రీ లుక్ ను కూడా రివీల్ చేసిన సంగతి తెలిసిందే.

ఇక, నేడు (ఏప్రిల్ 8) అల్లు అర్జున్ బర్త్ డే సందర్భంగా కోలీవుడ్ అగ్ర నిర్మాణ సంస్థ సన్ పిక్చర్స్ దాదాపు 700 కోట్ల రూపాయల భారీ బడ్జెట్‌తో నిర్మిస్తున్న సినిమా టైటిల్ ‘రాకా’ అంటూ ప్రకటించారు. దీనికి అర్థం చంద్రుడు అని. అంతేకాదు, టైటిల్ పోస్టర్ తో పాటుగా అల్లు అర్జున్ లుక్ ని కూడా రిలీజ్ చేశారు. పునర్జనల నేపథ్యంలో అత్యంత ప్రతిష్ఠాత్మకంగా దర్శకుడు అట్లీ ఈ మూవీని తెరకెక్కిస్తున్నాడు. తాజాగా రిలీజ్ చేసిన లుక్ చూసినట్లైతే ఇందులో అల్లు అర్జున్ అరగుండుతో కనిపిస్తున్నాడు. ఒకరకంగా, ఇది విలనిజాన్ని తలపిస్తోంది.

ALLU ARJUN: మనిషి రూపంలో ఉన్న ఓ రాక్షసుడు మాదిరిగా పొడవాటి గోర్లతో అల్లు అర్జున్ లుక్ మైండ్ బ్లోయింగ్

మనిషి రూపంలో ఉన్న ఓ రాక్షసుడు మాదిరిగా పొడవాటి గోర్లతో అల్లు అర్జున్ లుక్ మైండ్ బ్లోయింగ్ అనిపిస్తోంది. ఓ హాలీవుడ్ మూవీ పోస్టర్ కి ఏమాత్రం తగ్గని విధంగా డిజైన్ చేసినట్టుగా అర్థమవుతోంది. మరి, అట్లీ ఈ మూవీని ఏ రకంగా తయారు చేస్తున్నాడో ఎవరి ఊహకి అందడం లేదు. శంకర్ రూపొందించిన ఐ మూవీలోని విక్రం లుక్ తరహా కాస్త పోలికలైతే ఉన్నాయి. ఇప్పటికే, ఈ సినిమా షూటింగ్ శరవేగంగా జరుగుతుంది. దీపిక పడుకోణ్ హీరోయిన్‌గా.. రష్మిక మందన్న, మృణాల్ ఠాగూర్, జాన్వీ కపూర్ ఇతర పాత్రల్లో కనిపించనున్నట్టు తెలుస్తోంది.

అధికారికంగా ఇప్పటి వరకూ కన్‌ఫర్మ్ అయింది ఒక్క దీపిక పడుకోణ్ మాత్రమే. ఇప్పటికే, నెట్‌ఫ్లిక్స్ వారు అదిరిపోయే డిజిటల్ రైట్స్ కి సొంతం చేసుకున్నారు. పుష్ప ఫ్రాంఛైజీస్ తో గ్లోబల్ వైడ్ గా పాపులారిటీ తెచ్చుకున్న అల్లు అర్జున్ రాకా తో హాలీవుడ్ హీరోల సరసన చేరడం ఖాయమనిపిస్తోంది. చూడాలి, మరి టాలెంటెడ్ డైరెక్టర్‌గా కోలీవుడ్, బాలీవుడ్ లో పేరు సంపాదించుకున్న అట్లీ మన ఐకాన్ స్టార్ కి ఎలాంటి సక్సెస్ ఇస్తాడో.