Ram Charan: భాష ఏదైనా..హీరో ఎవరైనా..ఎంత భారీ బడ్జెట్తో సినిమాను నిర్మించినా.. కథలో బలం, వాస్తవిక సంఘటనలతో అల్లుకున్న సన్నివేశాలలో సహజత్వం ఉంటే ఖచ్చితంగా ఆ సినిమా ప్రతీ ప్రేక్షకుడికీ చేరుతుంది. అలా చేరిన సినిమాలెన్నో బాక్సాఫీస్ వద్ద సరికొత్త రికార్డులు సృష్ఠించాయి. అవార్డులు, రివార్డులు దక్కించుకున్నాయి. ఒక భాషలో హిట్ సాధించిన సినిమాను ఒకప్పుడు ఇతర భాషల్లో రీమేక్ చేసి విజయాలను అందుకున్నారు..పరాజయాలను చూశారు. ఈ అనుభవం ప్రతీ హీరో, దర్శక-నిర్మాతకి జరిగింది.
మన సినిమా ఇండస్ట్రీలో కొందరు మేకర్స్..హీరోలు అంటుంటారు.. ఒకప్పటి క్లాసిక్స్ ని టచ్ చేయకపోవడం బెటర్ అని. కొన్ని సినిమాల ఫలితం చూస్తే ఒప్పుకొని తీరాల్సిందే. ఇప్పుడు సౌత్లో ఉన్న నాలుగు ప్రధాన భాషల్లో పాన్ ఇండియా స్కేల్ సినిమాలే రూపొందుతున్నాయి. కొన్ని సినిమాలను హై టెక్నికల్ వ్యాల్యూస్, సైన్ ఫిక్షన్ జానర్లో నిర్మిస్తుండగా, పెద్ది లాంటి సినిమాలను 1980 కాలం నాటి పరిస్థితుల ఆధారంగా పూర్తి స్థాయి సహజమైన కథాంశంతో రూపొందిస్తున్నారు. ఇలాంటి, సాహసం చేసి సక్సెస్ అయిన దర్శకుడు సుకుమార్. ఆ సినిమాలే రంగస్థలం, పుష్ప సిరీస్.
అయితే, పెద్ది సినిమా నుంచి ఇప్పటి వరకూ వచ్చిన కంటెంట్ చూస్తుంటే బాలీవుడ్ హీరో ఆమిర్ ఖాన్ నటించిన రెండు సినిమాల ఛాయలు కనిపిస్తున్నాయి. ఆ సినిమాలే లగాన్, దంగల్. పెద్ది మూవీ ఫస్ట్ షాట్ గ్లింప్స్ చూస్తే లగాన్ తరహాలో ఆ పాత్ర ఉండేలా కనిపిస్తోంది. ఇక, ఇటీవల రిలీజ్ చేసిన పహిల్వాన్ పాత్ర చూసుకుంటే దంగల్ సినిమాలో పాత్ర తరహాలో కనిపిస్తోంది. బుచ్చిబాబు ఈ రెండు పాత్రలను ఎంతో పవర్ ఫుల్గా తీర్చి దిద్దినట్టుగా చెబుతున్నాడు. అంతేకాదు, తను రాసుకున్న కథ..చరణ్ పాత్రలు స్క్రిప్ట్ దశలోనే హిట్ అయిపోయాయని ఎంతో నమ్మకంగా చెబుతున్నాడు.
అప్పట్లో లగాన్ సినిమా బాక్సాఫీస్ వద్ద సృష్ఠించిన సునామీ, ఆ తర్వాత మహావీర్ సింగ్ ఫోగాట్ జీవిత కథ ఆధారంగా రూపొందించిన దంగల్ ఏ స్థాయిలో సక్సెస్ సాధించిందో ప్రత్యేకంగా చెప్పనవసరం లేదు. ఒకరకంగా, మన సౌత్లో స్పోర్ట్స్ డ్రామాలు తెరకెక్కుతున్నాయంటే షారుఖ్ ఖాన్ నటించిన చక్ దే ఇండియా లాంటి సినిమాలే ఇన్స్పిరేషన్ అని చెప్పాలి. లేడీ డైనమిక్ డైరెక్టర్ సుధ కొంగర మూడు భాషల్లో రూపొందించిన గురు ఒక కల్ట్ బ్లాక్ బస్టర్ అని చెప్పాలి. ఆర్.మాధవన్, విక్టరీ వెంకటేష్ కెరీర్లో ఈ సినిమా ఓ మైల్ స్టోన్. అలాంటి, సినిమాను పెద్ది ద్వారా మెగా పవర్ స్టార్ రామ్ చరణ్కి బుచ్చిబాబు ఇవ్వబోతున్నాడని చెప్పుకుంటున్నారు. జాన్వీ కపూర్ హీరోయిన్గా నటిస్తున్న ఈ సినిమాకు ఆస్కార్ అవార్డ్ విన్నింగ్ మ్యూజిక్ డైరెక్టర్ ఏఆర్ రెహమాన్ సంగీతం అందిస్తున్నాడు. ఈ నెల 30న ప్రపంచవ్యాప్తంగా రిలీజ్ కి రెడీ అవుతోంది.
AP NEWS: ప్రకాశం జిల్లా రాజకీయాలు ఎప్పుడూ హాట్ టాపిక్కే. అయితే, 2024 ఎన్నికల ఫలితాల తర్వాత అక్కడ సమీకరణాలు…
Chandrababu: రాయలసీమ రత్నాల గర్భ అనే మాటను మనం చిన్నప్పటి నుంచి వింటూనే ఉన్నాం. కానీ, ఇప్పుడు ఆ మాట…
Tollywood: సూపర్ స్టార్ మహేష్ బాబు సినిమా వస్తుందంటేనే టాలీవుడ్లో ఆ సందడి వేరేలా ఉంటుంది. అలాంటిది ఆయన ఒకే…
Jamun Fruits: వేసవికాలం అంటే అందరికీ టక్కున మామిడి పండ్లు గుర్తుకొస్తాయి. ఇక వేసవిలో లభించే పండ్లలో మామిడి పండ్ల…
AP NEWS: విశాఖపట్నంలో ల్యాండ్ మాఫియా ఏ స్థాయిలో వేళ్లునునుకుపోయిందో చెప్పడానికి తాజా ఘటనే నిదర్శనం. సామాన్యుల ప్లాట్లను టార్గెట్…
Jyeshtha Pournami: ప్రతినెల మనకు ఒక పౌర్ణమి వస్తుంది. ఇలా ఏడాదిలో ప్రతి నెల పౌర్ణమిని జరుపుకుంటారు. అయితే జేష్ఠ్య…
This website uses cookies.