Avantika Vandanapu: ఆర్ఆర్ఆర్ సినిమాతో రాజమౌళి హాలీవుడ్ రేంజ్ లో మన సినిమా ఖ్యాతిని పెంచాడు. ఈ సినిమా ద్వారా హాలీవుడ్ దర్శకుల దృష్టి ఇండియాపై పడేలా చేసుకున్నారు. ఇదిలా ఉంటే ఇండియన్ యాక్టర్స్ ఈ మధ్యకాలంలో హాలీవుడ్ సినిమాలలో నటిస్తున్నారు. ఇప్పటికే ప్రియాంకా చోప్రా హాలీవుడ్ హీరోయిన్ గా మారిపోయింది. ఇక దీపికా పదుకునే కూడా హాలీవుడ్ లోకి ఎంట్రీ ఇచ్చింది. ఇక రాధికా ఆప్టే కూడా హాలీవుడ్ సినిమాలలో కనిపిస్తుంది. ఇదిలా ఉంటే హిందీలో సక్సెస్ అయిన తెలుగు భామ శోభిత దూళిపాళ్ళ కూడా హాలీవుడ్ లోకి అడుగుపెట్టింది. అక్కడ దేవ్ పటేల్ తో ఒక సినిమా చేసింది. ఇదిలా ఉంటే ఇప్పుడు మరో తెలుగమ్మాయి హాలీవుడ్ లో వెబ్ సిరీస్ లో ఎంట్రీ ఇచ్చింది.
![avantika-vandanapu-in-hollywood-movies](http://natelugu.com/wp-content/uploads/2023/02/Avanthika-Vandanapu.jpg)
ఇప్పుడు మరో తెలుగమ్మాయి అవంతిక వందనాపు హాలీవుడ్ సినిమాలో మెయిన్ లీడ్ కి ఎంపికైంది. ప్రతిష్టాత్మక నిర్మాణ సంస్థ పారామౌంట్ పిక్చర్స్ నుంచి వస్తున్నా మీన్ గర్ల్ అనే సినిమాతో ఆమె టైటిల్ రోల్ కి ఎంపికైంది. దీంతో ఇప్పుడు అవంతిక పేరు హాట్ న్యూస్ గా మారిపోయింది. ఆంధ్రా ఎన్నారై ఫ్యామిలీకి చెందిన ఈ అమ్మడు అమెరికాలో ఉంది. ఇక ఈమె ఇప్పటికే టాలీవుడ్ లో చైల్డ్ యాక్టర్ గా సూపర్ స్టార్ మహేష్ బాబు బ్రహ్మోత్సవం సినిమాలో నటించింది. అందులో చిన్నప్పటి హీరోయిన్ పాత్రలో కనిపించింది. అలాగే నాగచైతన్య ప్రేమమ్ సినిమాలో మూడో హీరోయిన్ చిన్నప్పటి పాత్రలో నటించింది. అలాగే రారండోయ్ వేడుక చూద్దాం సినిమాలో కూడా చిన్నప్పటి హీరోయిన్ పాత్రలో అవంతిక నటించింది.
![avantika-vandanapu-in-hollywood-movies](https://scontent.fhyd2-1.fna.fbcdn.net/v/t39.30808-6/280987994_545592386934240_8441239196934471915_n.jpg?_nc_cat=105&ccb=1-7&_nc_sid=730e14&_nc_ohc=XpUvi6UpJpAAX_cn-Zs&_nc_ht=scontent.fhyd2-1.fna&oh=00_AfAjE2l8fvyYSVVEzgl35ZBENLexERkzeaPNWUmpAC90pw&oe=63EB68F5)
తెలుగు సినిమాలలో చైల్డ్ యాక్టర్ గా చేసిన అవంతిక ఇక్కడ ఇండియన్ క్లాసికల్ డాన్స్ లో కూడా మంచి ప్రావీణ్యం ముంది కూచిపూడి నృత్యం కూడా నేర్చుకుంది. అలాగే డాన్స్ రియాలిటీషోలకూడా ఈ అమ్మడు సత్తా చాటింది. ఇదిలా ఉంటే ఆమె చివరిగా అజ్ఞాతవాసి సినిమాలో తెలుగులో నటించింది. అలాగే తమిళ్ మూవీ భూమికలో కూడా ఐశ్వర్య రాజేష్ చెల్లెళ్ళు పాత్రలో కనిపించింది. ఇదిలా ఉంటే ఆమె స్పిన్ అనే హాలీవుడ్ మూవీతో అక్కడ మెయిన్ లీడ్ లో నటిగా అడుగుపెట్టింది. తరువాత సీనియర్ ఇయర్, ఏ క్రౌన్ ఆఫ్ విషెస్ అనే హాలీవుడ్ సినిమాలలో నటించింది. అలాగే డిస్నీ హాట్ స్టార్ లో మూడు వెబ్ సిరీస్ లలో నటించింది. ఇప్పుడు ఏకంగా పారామౌంట్ పిక్చర్స్ నిర్మించే మీన్ గర్ల్స్ మూవీలో మెయిన్ లీడ్ కి ఎంపికైంది. దీంతో అవంతిక ఇప్పుడు హాట్ టాపిక్ గా మారిపోయింది.