Akkineni Nagarjuna : ఈసారి అంతా ఉల్టా పాల్టా అంటూ బిగ్ బాస్ తెలుగు సీజన్ 7 చాలా గ్రాండ్ గా స్టార్ట్ అయ్యింది. బుల్లి తెర మీద అత్యంత ప్రజాధరణ పొందిన బిగ్ బాస్ ఈ షో ఆదివారం నుంచి స్టార్ట్ అయ్యింది. నాగార్జున హోస్టుగా వ్యవహరిస్తున్న ఈ షో అందరికీ ఆల్ టైం ఫేవరెట్ షో అని చెప్పక తప్పదు. సినీ తారలు బుల్లితెర నటులు సెలబ్రిటీలు సోషల్ మీడియా స్టార్స్ అందరూ కూడా బిగ్ బాస్ షో కి ఎంట్రీ ఇచ్చి తమ ఆట తీరుతో అందరినీ అలరించారు. గుర్తింపును సంపాదించుకున్నారు. నాన్ స్టాప్ గా ఆరు సీజన్ల తో అలరించిన బిగ్ బాస్ తాజాగా సరికొత్త రూపంలో ఏడవ సీజన్ తో రెడీ అయ్యింది. వీకెండ్ లో టెలివిజన్ ప్రేక్షకులకు డబుల్ ఎంటర్టైన్మెంట్ అందించేందుకు బోలెడంత ఎంటర్టైన్మెంట్ ను మోసుకొస్తుంది.

ఇప్పటికే బుల్లితెర పాపులర్ స్టార్స్ సెలబ్రిటీస్ కంటెస్టట్లుగా హౌస్ లోకి ఎంటర్ అయ్యారు.. ఇంకా కొంతమంది వెళ్లడానికి రెడీ గా ఉన్నారు. అన్ని సీజన్స్ ను తలదన్నేలా ఈ సీజన్ ఉంటుందని ఇప్పటికే చాలాసార్లు బిగ్ బాగ్ హోస్ట్ నాగార్జున తెలిపారు. ఈసారి ఉల్టా పల్టా అని ట్యాగ్ లైన్ ముందుకు వసస్తోంది. దీంతో ఈ సీజన్ పైన హైప్ మరింత పెరిగింది. ఇదిలా ఉండగా కర్టెన్ రైజర్స్ కార్యక్రమంలో భాగంగా బిగ్ బాస్ స్టేజ్ పై విజయ్ దేవరకొండ, నవీన్ పొలిశెట్టి స్పెషల్ అట్రాక్షన్ గా నిలిచారు. తమ డాన్స్ పర్ఫార్మెన్స్ తో దుమ్ము దులిపారు. నాగార్జునతో కలిసి స్టేజ్ ను షేర్ చేసుకుని.. వారి వారి సినిమాలని ప్రమోట్ చేసుకున్నారు. ఈ ప్రోగ్రాంలో నాగార్జున కామెంట్స్ అందరినీ షాక్ కు గురిచేశాయి. మాజీ కోడలి గురించి ఆరా తీసి అందరినీ అవక్కు చేశారు.

ఖుషి మూవీ ప్రమోషన్ లో భాగంగా హీరో విజయ్ దేవరకొండ బిగ్ బాస్ షోలో ఎంట్రీ ఇచ్చాడు. ఈ సందర్భంగా విజయ్ తో మాట్లాడిన నాగార్జున.. ఏంటి ఖుషిగా ఉన్నావ్ అని అడిగాడు. దానికి విజయ్ ‘చాలా డేస్ తర్వాత తన సినిమాకు పాజిటివ్ రెస్పాన్స్ వచ్చిందని. మూవీ చూసినవాళ్లంతా ఖుషి అయి.. బయటికి వస్తున్నారు. అందుకే తాను కూడా ఖుషిగా ఉన్నానంటూ సమాధానం ఇచ్చాడు. ఆ తర్వాత నువ్వొచ్చావ్ సరే.. సమంత ఎక్కడ అని నాగ్ అడగగానే అందరూ అవక్కయ్యారు. సమంత అమెరికాలో ఉందని, మూవీ ప్రమోషన్స్ చేస్తూ..అక్కడే ట్రీట్మెంట్ తీసుకుంటుందని రిప్లై ఇచ్చాడు . అందుకే తను రాలేదంటూ విజయ్ చెప్పుకొచ్చాడు. దీంతో నాగార్జున ప్రొఫెషనలిజం ఏంటో మరోసారి బయటపడింది. ఫ్యామిలీ విషయం ఎలా ఉన్నా.. ఏం ఫ్రొఫెషనల్ గా అంతా ఒక్కటే అని నిరూపించారు నాగ్. ఇదిలా ఉంటే ఇప్పటికే చాలాసార్లు తనకు సమంత అంటే చాలా ఇష్టమని నాగార్జున తెలిపారు.