Tollywood: టాలీవుడ్లో ఎప్పుడు ఏ చిన్న ఇష్యూ జరిగినా సోషల్ మీడియా క్షణాల్లో హీటెక్కిపోతుంది. ముఖ్యంగా సమంత, నాగచైతన్య, శోభితా ధూళిపాళ్లల చుట్టూ తిరిగే ఏ వార్త అయినా నెటిజన్లకు హాట్ కేకే. అయితే తాజాగా సమంత చేసిన కొన్ని వ్యాఖ్యలు ఇప్పుడు ఇండస్ట్రీతో పాటు సోషల్ మీడియా వర్గాల్లో పెద్ద దుమారమే రేపుతున్నాయి. ఆమె కావాలనే అనిందా లేక క్యాజువల్గా మాట్లాడిందా అనే విషయం పక్కన పెడితే.. ఆ కామెంట్స్ మాత్రం డైరెక్ట్గా శోభితకే తగిలాయంటూ నెటిజన్లు గట్టిగా డీకోడ్ చేస్తున్నారు.
తాజాగా జరిగిన ‘మా ఇంటి బంగారం’ సక్సెస్ మీట్లో సమంత తన భర్త రాజ్తో కలిసి పాల్గొంది. ఈ సందర్భంగా ఒక రిలేషన్షిప్లో ఎలాంటి పార్ట్నర్ను ఎంచుకోవాలి, యువతకు మీరిచ్చే సజీషన్ ఏంటని ఒక విలేఖరి ప్రశ్నించాడు. దీనికి సామ్ ఇచ్చిన సమాధానం ఇప్పుడు నెట్టింట అగ్గిరాజేస్తోంది. “లైఫ్లోకి ఒక పార్ట్నర్ వచ్చి నిన్ను సంపూర్ణం చేస్తాడని ఎప్పుడూ అనుకోవద్దు. మొదట నీకు నువ్వుగా సంపూర్ణంగా ఉండు, ఆ తర్వాతే నీకు తగ్గ భాగస్వామిని వెతుక్కో.. అప్పుడే ఆ బంధం నిలబడుతుంది” అంటూ సమంత క్లారిటీ ఇచ్చింది.
Tollywood: నాగచైతన్యతో పెళ్లి సందర్భంగా శోభిత ఒక స్పెషల్ వీడియో
ఇక్కడి వరకు అంతా నార్మల్గానే అనిపించినా.. నెటిజన్లు మాత్రం దీని వెనుక ఉన్న క్రేజీ కనెక్షన్ను బయటకు తీశారు. గతంలో నాగచైతన్యతో పెళ్లి సందర్భంగా శోభిత ఒక స్పెషల్ వీడియోలో మాట్లాడుతూ.. “నన్ను చైతన్య సంపూర్ణం చేస్తాడు” అంటూ మురిసిపోతూ తన ఆనందాన్ని పంచుకుంది. ఇప్పుడు సమంత సరిగ్గా అదే ‘సంపూర్ణం’ అనే పదాన్ని టార్గెట్ చేస్తూ మాట్లాడడంతో, ఇది శోభితకు ఇచ్చిన స్ట్రాంగ్ కౌంటరేనని సోషల్ మీడియాలో చర్చలు మొదలయ్యాయి.