Wireless Charging : పర్యావరణ కాలుష్యం మరియు ఇంధన కొరత నేపథ్యంలో భవిష్యత్తులో ఎలక్ట్రిక్ వాహనాల వినియోగం గణనీయంగా పెరిగే అవకాశం ఉంది. ఈ అంశాన్ని దృష్టిలో ఉంచుకుని, ఓస్మానియా యూనివర్సిటీ (ఓయూ) ఇంజినీరింగ్ కళాశాల ఎలక్ట్రికల్ ఇంజినీరింగ్ విభాగానికి చెందిన ప్రొఫెసర్లు వైర్లెస్ చార్జింగ్ సాంకేతికతపై లోతైన పరిశోధనలు ప్రారంభించారు.
ప్రస్తుతం ద్విచక్ర వాహనాల నుంచి బస్సులు మరియు ఇతర భారీ వాహనాల వరకు, అన్నీ బ్యాటరీల ద్వారా పవర్ను గ్రహించి నడుస్తున్నాయి. అయితే, ఎలక్ట్రిక్ చార్జింగ్ సెంటర్లు ప్రతిచోటా అందుబాటులో ఉండడం లేదని వారు తెలిపారు.
వాహనాలు అకస్మాత్తుగా చార్జింగ్ లేని పరిస్థితుల్లో నిలిచిపోకుండా ఉండేందుకు, స్మార్ట్ ఫోన్ ద్వారా యాప్ ఉపయోగించి అవసరమైన పవర్ను బుక్ చేసుకునేలా ఒక సాంకేతికతను అభివృద్ధి చేస్తున్నారు. ఈ విధానంలో వాహనదారులు ఉబర్ లేదా ఓలా లాంటి యాప్ల ద్వారా వాహనాలను బుక్ చేసుకున్నట్లే పవర్ను బుక్ చేసుకుని, అవసరమైనప్పుడు వైర్లెస్ ద్వారా చార్జింగ్ పొందవచ్చు.
ఇది మాత్రమే కాకుండా, వాహనంలో ఎక్కువ పవర్ ఉన్నపుడు, మిగిలిన విద్యుత్ను ఇతరులకు విక్రయించే అవకాశాన్ని కూడా ఈ సాంకేతికత కల్పిస్తుంది. థర్డ్పార్టీ యాప్ల సహాయంతో విద్యుత్ను కొనుగోలు చేయడం, విక్రయించడం సాధ్యమవుతుందని ప్రొఫెసర్లు తెలిపారు. అయితే వాహనాలకు మధ్య దూరం పరిమితి (మీటర్లలో) లోపల ఉండాల్సిన అవసరం ఉంటుందని వారు స్పష్టం చేశారు.
ఈ వైర్లెస్ చార్జింగ్ విధానాన్ని బ్లాక్చైన్ టెక్నాలజీ ఆధారంగా అభివృద్ధి చేశారు. ఒక ఎలక్ట్రిక్ వాహనం నుంచి పవర్ గ్రిడ్ ద్వారా మరో వాహనానికి విద్యుత్ పంపే వ్యవస్థపై కూడా పరిశోధనలు జరుగుతున్నాయి. ఈ విధానం ఇప్పటికే కొన్ని అభివృద్ధి చెందిన దేశాల్లో ప్రాయోగికంగా అమలు అవుతోంది. అయితే, ఖర్చు తగ్గిస్తూ, నాణ్యత ప్రమాణాలను పాటిస్తూ ఈ టెక్నాలజీని భారత్కు అనుగుణంగా తీర్చిదిద్దేందుకు పరిశోధనలు కొనసాగుతున్నట్లు ఓయూ ప్రొఫెసర్లు తెలిపారు.
Foot Health: ఇటీవల కాలంలో చాలామంది వారి ఆరోగ్యం పై పూర్తిస్థాయిలో దృష్టి సారిస్తూ ప్రతి చిన్న విషయాన్ని పరిగణలోకి…
Sankatahara chaturthi: మన హిందూ సాంప్రదాయాల ప్రకారం సంకటహర చతుర్దశికి ఎంతో ప్రాధాన్యత ఉంది. పౌర్ణమి తర్వాత మూడు రోజులకు…
Night Sleep: ఇటీవల కాలంలో ఉరుకుల పరుగుల జీవితంలో రాత్రి పగలు అనే తేడా లేకుండా ప్రతి ఒక్కరూ ఎంతో…
Tirumala Brahmotsavam: కలియుగ దైవం అయినటువంటి శ్రీ వెంకటేశ్వర స్వామి కొలువై ఉన్నటువంటి తిరుమల తిరుపతి ఆలయంలో నిత్యం ఉత్సవాలు…
Mushrooms: పుట్టగొడుగులు అంటే ఇష్టపడని వారు ఎవరుంటారు చెప్పండి ఎన్నో పోషకాలు కలిగిన ఈ పుట్టగొడుగులను తినడానికి చాలామంది ఇష్టపడుతుంటారు.…
Black Thread Significance: ఇటీవల కాలంలో చాలామంది చిన్నపిల్లల నుంచి మొదలుకొని పెద్దవారి వరకు కూడా తమ చేతికి లేదా…
This website uses cookies.