Night Sleep: ఇటీవల కాలంలో ఉరుకుల పరుగుల జీవితంలో రాత్రి పగలు అనే తేడా లేకుండా ప్రతి ఒక్కరూ ఎంతో కష్టపడుతున్నారు. ఇలా పని సమయంలో కలిగే ఒత్తిడి కారణంగా చాలామందికి రాత్రిపూట సరిగా నిద్ర పట్టదు అలాగే చాలామంది రాత్రిపూట నిద్ర పట్టక తరచూ లేస్తూ, మెలకువతో ఉంటున్నారు. ఇలా రాత్రిపూట సరిగా నిద్ర పట్టకపోవడానికి కారణం మన జీవన విధానం అని నిపుణులు చెబుతున్నారు. మరి రాత్రిపూట నిద్ర పట్టకపోవడానికి గల కారణాలు ఏమిటి? అనే విషయానికి వస్తే..

స్లీప్ అప్నియా: చాలామంది నిద్రపోతున్న సమయంలో అధికంగా గురకపెట్టడం వంటి లక్షణాలు ఉంటాయి ఇలాంటి వారు స్లీప్ అప్నియా సమస్యతో బాధపడుతూ ఉంటారు. ఈ సమస్యతో బాధపడే వారి శరీరంలో నిద్రపోతున్న సమయంలో మనం తీసుకున్న శ్వాస సరిగా మెదడుకు అందదు తద్వారా మెదడు శరీరానికి హెచ్చరికలను పంపిస్తుంది. అందుకే నిద్ర మధ్యలో మెలకువ వస్తుంది. ఇక రాత్రిపూట చాలామంది పదేపదే యూరిన్ వెళుతూ ఉంటారు. అయితే  రక్తంలో గ్లూకోజ్ స్థాయిలు ఎక్కువగా ఉన్నప్పుడు అదనపు షుగర్ ని యూరిన్ ద్వారా బయటకు పంపిస్తుంది. అందుకే  రాత్రిపూట సరిగా నిద్ర ఉండక తరచు మెలుకువ వస్తుంది.

Night Sleep: హార్మోన్లో అసమతుల్యత కారణం..

ఇక మన శరీరంలో హార్మోన్లను సక్రమంగా పనిచేసినప్పుడు ఏ విధమైనటువంటి ఇబ్బందులు ఉండవు కానీ హార్మోన్ అసమతుల్యత ఎన్నో రకాల సమస్యలకు కారణం అవుతుంది. ఇలా హార్మోన్ల సమతుల్యతను నియంత్రించడంలో థైరాయిడ్ గ్రంధి కీలక పాత్ర పోషిస్తుంది. థైరాయిడ్ గ్రంధి చాలా యాక్టివ్ గా పని చేసిన సమయం గుండె వేగంగా కొట్టుకోవడం, చెమటలు పట్టడం వంటివి జరుగుతాయి. ఆ సమయంలో మనకు తెలియకుండా అసౌకర్యం కలిగి మెలకువ వస్తుంది. ఇక ప్రస్తుతం ఉన్న పని ఒత్తిడి కారణంగా చాలామంది ఎంతో డిప్రెషన్ అవుతూ ఉంటారు. ఇలా డిప్రెషన్ తో బాధపడే వారి శరీరంలో కోర్టిసోల్ అనే స్ట్రెస్ హార్మోన్ విడుదలవుతుంది. ఈ హార్మోన్ మనల్ని ప్రశాంతంగా నిద్రపోకుండా పదేపదే మేలుకువ రావడానికి కారణం అవుతుంది. ఇక చాలా మంది రాత్రి పడుకోవడానికి ముందు అధిక మసాలాలు కలిగిన ఆహారాన్ని తీసుకోవడం వల్ల గ్యాస్ట్రిక్ సమస్య  వస్తుంది. ఈ కారణంగా కూడా తరచూ నిద్రలో మెలకువ వస్తుంది.