Health Tips: ఉసిరికాయను ప్రతిరోజు ఏదో ఒక రూపంలో ఆహారంగా తీసుకుంటే మన శరీరానికి అవసరమైన సూక్ష్మ పోషకాలు, స్థూల పోషకాలు సమృద్ధిగా లభించడంతోపాటు మారుతున్న కాలానికి అనుగుణంగా వస్తున్న ఉన్న కొత్త కొత్త వ్యాధులను సైతం ఎదుర్కొనే ఇమ్యూనిటీ సిస్టం మనలో అభివృద్ధి చెందుతుంది. సాధారణంగా ఉసిరికాయను పచ్చడి రూపంలో ఎక్కువగా తింటుంటారు. ఉసిరికాయను తేనెతో కలిపి జామ్ తయారు చేసుకొని తింటే అద్భుత ఆరోగ్య ప్రయోజనాలు మీ సొంతమైనట్లే అదెలాగో ఇప్పుడు చూద్దాం.
ప్రతిరోజు ఉసిరికాయ జామ్ ను తినడం వల్ల ఉసిరికాయలో పుష్కలంగా ఉన్న సి విటమిన్ తేనెలోని యాంటీ మైక్రోవేల్ గుణాలు వ్యాధి నిరోధక శక్తిని పెంపొందించి సీజనల్గా వచ్చే జలుబు ,దగ్గు , తుమ్ములు, గొంతు నొప్పి వంటి సమస్యలను దూరం చేస్తుంది. అలాగే తేనెలోని ఔషధ గుణాలు మనలో జీర్ణక్రియ రేటును పెంచి ఆకలిని పెంచుతుంది.
ఉసిరికాయలను మరియు తేనెలో ఉన్న యాంటీ ఆక్సిడెంట్ మన శరీరంలోని చెడు కొలెస్ట్రాల్ ని తగ్గించడంలో సహాయపడి ఉబకాయ సమస్యను దూరం చేస్తుంది. గుండె ఆరోగ్యాన్ని కాపాడుతుంది. వీటిల్లో పుష్కలంగా ఉన్న యాంటీ బ్యాక్టీరియల్ యాంటీ ఫంగల్ గుణాలు చర్మం సమస్యలను తగ్గించి చర్మాన్ని కాంతివంతంగా తయారు చేస్తుంది. వీటిల్లో పుష్కలంగా ఉన్న విటమిన్ ఏ ,సి కంటి సమస్యలను తొలగించి కంటి చూపులు మెరుగుపరుస్తుంది. ఇలా ఈ రెండింటినీ కలిపి తీసుకోవడం వల్ల ఎన్నో ప్రయోజనాలను పొందవచ్చు.
