Vijay Devarakonda : టాలీవుడ్ లో రౌడీ బాయ్ గా క్రేజ్ సంపాదించుకున్నాడు హీరో విజయ్ దేవరకొండ. అమ్మాయిల కలల రాకుమారుడు అని చెప్పాల్సిందే. ఎలాంటి బ్యాక్ గ్రౌండ్ లేకుండా తన టాలెంట్ తో అతి కొద్ది కాలంలోనే స్టార్ హీరో రేంజ్ కి చేరుకున్నాడు. విజయ్ దేవరకొండ హీరోగా నటించిన మొదటి సినిమా పెళ్లిచూపులు హిట్ సాధించినప్పటికీ అర్జున్ రెడ్డి మూవీతో ఓవర్ నైట్ లో స్టార్ హీరోగా మారిపోయాడు. అయితే విజయ్ కి స్టార్డమ్ స్టేటస్ మాత్రం అంత ఈజీగా రాలేదు .
![vijay-devarakonda-cyber-crime-police-arrested-youtuber-for-spreading-fake-news](http://natelugu.com/wp-content/uploads/2023/12/Vijay_Deverakonda_at_NOTA_pressmeet_cropped-873x1024.jpg)
కెరీర్ స్టార్టింగ్ నుంచి ఎన్నో అవమానాల్ని ఎదుర్కొన్నాడు. ఎన్నో ఒడిదుడుకులను చూశాడు. అందుకే ఇప్పుడు స్ట్రాంగ్ గా స్టార్ హీరోగా నిలబడ్డాడు. ఈ సంవత్సరం ఖుషి సినిమాతో ఆడియన్స్ కి హాయ్ చెప్పాడు విజయ్ దేవరకొండ. లైగర్ ఫ్లాప్ తర్వాత టాలీవుడ్ స్టార్ బ్యూటీ సమంత తో నటించిన ఈ మూవీ మళ్లీ విజయ్ లో కొత్త ఊపు తీసుకొచ్చింది. ప్రస్తుతం విజ్జు పరశురామ్ తో “ఫ్యామిలీ స్టార్” అనే మూవీ చేస్తున్నాడు. ఈ సినిమాలో హాయ్ నాన్న హీరోయిన్ మృణాల్ ఠాకూర్ హీరోయిన్ గా కనిపించునుంది. దిల్ రాజు నిర్మిస్తున్న ఈ చిత్రం వచ్చే ఏడాది వేసవిలో విడుదల చేయడానికి సన్నాహాలు చేస్తున్నారు.
![vijay-devarakonda-cyber-crime-police-arrested-youtuber-for-spreading-fake-news](http://natelugu.com/wp-content/uploads/2023/12/Fans-Unfair-Advise-to-Vijay-Devarakonda.jpg)
ఇదిలా ఉండగా గత కొంత కాలంగా విజయ్ దేవరకొండ ను టార్గెట్ చేసి కొంత మంది ఫేక్ న్యూస్ లను స్ప్రెడ్ చేస్తున్నారు. విజయ్ కి పొగరాని, ఆటిట్యూడ్ ఉందని, ఇండస్ట్రీ లోని పెద్దలకు అసలు మర్యాద ఇవ్వడని, ఇక హీరోయిన్లతో ఎఫైర్స్ ఉన్నాయనికి ఇలా ఎన్నో రకాల రూమర్స్ వ్యాపిస్తున్నారు. అయితే ఇలాంటి తప్పుడు సమాచారం ఇచ్చే ఓ యూట్యూబర్ కి సైబర్ క్రైమ్ పోలీసులు తాజాగా చుక్కలు చూపించారు.
![vijay-devarakonda-cyber-crime-police-arrested-youtuber-for-spreading-fake-news](http://natelugu.com/wp-content/uploads/2023/12/2965.jpg)
విజయ్ పై అభ్యంతరకర వార్తలు యూట్యూబ్ లో పోస్ట్ చేస్తున్న వ్యక్తిని పోలీసులు ఎట్టకేలకు అరెస్ట్ చేశారు. కొన్ని రోజుల క్రితం ‘సినీ పోలీస్’ అనే యూట్యూబ్ ఛానల్ లో విజయ్ ను అవమానిస్తూ ఓ వార్తను ప్రసారం చేశారు. ఆ న్యూస్ ను పోస్ట్ చేసిన వ్యక్తి వెంకట కిరణ్ అనంతపురంకు చెందిన వాడుగా గుర్తించారు. విజయ్ దేవరకొండ ఇమేజ్ డ్యామేజ్ అయ్యేలా ఉన్న వీడియోలను చూసిన విజయ్ మూవీ మేకర్స్ పోలీసులకు కంప్లైంట్ ఇవ్వడంతో పోలీసులు వెంకట్ అనే వ్యక్తిని అరెస్ట్ చేశారు.
అరెస్ట్ చేసిన వెంకట్ కి కౌన్సిలింగ్ ఇచ్చి ఆ వీడియోలన్నింటిని డిలీట్ చేయించారు పోలీసులు. ముందు ముందు ఇలాంటి వీడియోలు పెట్టకుండా చర్యలు తీసుకున్నారు. ఇదే కాదు ఇంతకు ముందు సమంత, శ్రీ లీల పై కొంతమంది ఫేక్ న్యూస్ లు స్ప్రెడ్ చేస్తున్నారు. కొన్ని నెలల క్రితం హీరో రామ్ చరణ్ ఫ్యామిలీ ని కూడా పర్సనల్ గా టార్గెట్ చేసి వీడియోలు చేశాడు.