Tollywood : అక్కినేని నాగ చైతన్య రెండో పెళ్లికి సిద్ధమవుతున్నాడంటూ తాజాగా సోషల్ మీడియాలో వార్తలు వచ్చి బాగా వైరల్ అవుతున్నాయి. సమంతతో ప్రేమ, పెళ్లి, విడాకులు తర్వాత అటు సమంత గానీ, ఇటు నాగ చైతన్య గానీ ఇంకా రెండో పెళ్లి చేసుకుంది లేదు. సమంత విషయంలో ఇప్పటి వరకూ రెండో పెళ్లికి సంబంధించిన వార్తలు ఏవీ రాలేదు. కానీ, నాగ చైతన్య మాత్రం సెకెండ్ మ్యారేజ్ చేసుకోబోతున్నాడంటూ ఇప్పటికే చాలాసార్లు వార్తలు వచ్చాయి.
గతంలో సాయి పల్లవి, కృతీశెట్టిల పేర్లు బాగా వినిపించాయి. ఆ తర్వాత తెలుగమ్మాయి శోభిత ధూళిపాళ్ళ గురించి ఎక్కువగా వార్తలు వచ్చాయి. ఆ మధ్య నాగ చైతన్య-శోభిత కలిసి ఓ స్టార్ హోటల్‌లో కనిపించారు. దీనికి సంబంధించిన పిక్స్ లీకై నెట్టింట తెగ హల్‌చల్ చేశాయి. ఇప్పుడు నిజంగానే చైతూ, శోభిత మూడుముళ్ళ బంధంతో ఒక్కటవబోతున్నారని తాజా సమాచారం. దీనిపై అధికారికంగా ఎలాంటి ప్రకటన రాకపోయినప్పటికీ దాదాపు పెళ్లికి డేట్ కూడా ఫిక్స్ చేసుకున్నట్టు చెప్పుకుంటున్నారు.
Tollywood : అసలు ప్రేమికులు నాగ చైతన్య-శోభిత..!
శోభిత ఇప్పటివరకూ నాగ చైతన్యతో కలిసి నటించలేదు. టాలెంటెడ్ హీరో అడివి శేష్ సరసన మాత్రం సినిమాలు చేసింది. ఇద్దరి మధ్య ముద్దు సన్నివేశాలూ ఉన్నాయి. వాస్తవానికి శేష్, శోభిత రిలేషన్‌లో ఉన్నారని ప్రచారం జరిగింది. కానీ, అదంతా కేవలం గాసిప్స్ అని అసలు ప్రేమికులు నాగ చైతన్య-శోభిత అని ఫిల్మ్ సర్కిల్స్‌లో టాక్ వినిపిస్తోంది. మరి చైతూ ఎవరిని పెళ్లి చేసుకుంటాడనేది గోప్యంగా ఉంది. ఇక ఈ విషయంలో సమంత స్పందన కాస్త ఘాటుగానే ఉంటోంది. తనకి నచ్చినట్టు ట్విట్టర్‌లో పోస్ట్ పెడుతోంది.
కాగా, నాగ చైతన్య ప్రస్తుతం చందు మొండేటి దర్శకత్వంలో ఓ సినిమా చేస్తున్నాడు. చైతూ కెరీర్‌లో ఇది 23వ చిత్రం. సాయి పల్లవి హీరోయిన్‌గా నటించనుంది. మత్స్యకారుల జీవిత కథ ఆధారంగా ఈ మూవీ తెరకెక్కుతుండగా నాగ చైతన్య, సాయి పల్లవి చేపలు పట్టే జాలరీల పాత్రల్లో అలరించనున్నారు. ఇలాంటి పాత్రలు చేయడంలో సాయి పల్లవి ఆరితేరింది. ఇప్పటికే వీరి కాంబోలో వచ్చిన లవ్‌స్టోరీ మంచి హిట్ సాధించింది.
