Shani Dosham: మీ జీవితంలో ఇలాంటి ఘటనలు ఎదురయ్యాయా.. మీపై శని దృష్టి ఉన్నట్టే?

Shani Dosham: మన హిందూ సంప్రదాయాల ప్రకారం శనీశ్వరుడిని కూడా పెద్ద ఎత్తున భక్తులు పూజిస్తూ ఉంటారు. శనివారం రోజున శనీశ్వరుడిని పూజించడం వల్ల ఏ విధమైనటువంటి ఆటంకాలు ఉండవని అలాగే మనపై ఉన్నటువంటి శని ప్రభావ దోషం కూడా తొలగిపోతుందని భావిస్తుంటారు. శనీశ్వరుడును కర్మఫలధాత అని కూడా పిలుస్తారు. శనీశ్వరుడు మనం చేసే కర్మలకు తగిన ఫలితాన్ని ఇస్తారు. కనుక ప్రతి ఒక్కరి జీవితంలోనూ శని ప్రభావానికి గురికావాల్సి ఉంటుంది.

ఇకపోతే మనపై శని ప్రభావం ఎప్పుడు పడింది ఎలా ఉంటుందనే విషయాలను తెలుసుకోవాలి అంటే మన జీవితంలో ఎదురయ్యే కొన్ని సంఘటనలే మనపై శని ప్రభావ దోషం ఉన్నట్టు చూపిస్తాయి. మరి ఎలాంటి సంఘటనలు ఎదురైతే మనపై శని ప్రభావం ఉంటుంది అనే విషయాన్ని వస్తే…

మనం ఏదైనా కొన్ని కార్యక్రమాలను చేపడుతున్నటువంటి సమయంలో ఆ కార్యక్రమాలు తరచూ వాయిదా పడుతూ ఉన్నాయి లేదా ఆ కార్యక్రమాలకు అడ్డంకులు ఎదురవుతున్నాయి అంటే మనపై శని ప్రభావం ఉన్నట్లే. అంతేకాదు మనిషికి మంచి విషయాలు కనిపించవు. చెడ్డ విషయాలను మాత్రమే చూడగలడు. ఇక శని ప్రభావం ఎవరిపై అయితే ఉంటుందో వారికి అప్పులు కలుగుతాయి వారు ఎవరికి సహాయం చేయరు అలాంటి వారి పట్ల శని ప్రభావం చూపిస్తారు. ఆ తరుణంలోనే విపరీతమైనటువంటి అప్పులు పెరిగిపోతూ ఉంటాయి. ఇక చెడు వ్యసనాలకు గురైన వారి పట్ల కూడా శని ప్రభావం ఉందని అర్థం. ఎంతో ఆరోగ్యవంతంగా ఉన్నా వారు ఉన్నఫలంగా అనారోగ్యానికి గురయ్యారు అంటే వారిపై శని తన వక్రదృష్టిని పెట్టారనే అర్థం. ఇలాంటి లక్షణాలు కనుక ఉంటే మనపై శని దృష్టిపడిందని తెలుసుకొని అందుకు పరిహారాలను చేయడం మంచిది.