Sai Pallavi: ఫిదా బ్యూటీ సాయి పల్లవి స్పీడ్ పెంచింది. మెగా పవర్ స్టార్ రామ్ చరణ్, అక్కినేని నాగ చైతన్య సినిమాలకి గ్రీన్ సిగ్నల్ ఇచ్చేసింది. లవ్ స్టోరీ, విరాట పర్వం సినిమాల తర్వాత మళ్ళీ ఇప్పటి వరకూ కొత్త సినిమాలను ఒప్పుకోలేదు. దీనికి ప్రత్యేకమైన కారణం అంటూ ఏమీ లేదు. సాయి పల్లవికి నచ్చిన కథ రాలేదు. అదీ కాక ఈ మధ్య అందరూ శ్రీలీల వెనకాల పడ్డారు.
శేఖర్ కమ్ముల, ధనుష్ కాంబినేషన్‌లో తెరకెక్కబోతున్న పాన్ ఇండియన్ సినిమాలో సాయి పల్లవిని ఎంచుకున్నారనే సమాచారం ఉంది. కానీ, అధికారికమైన ప్రకటన ఇంకా రాలేదు. ఇక తమిళంలో సాయి పల్లవి ఇప్పటికే రెండు సినిమాలకి సైన్ చేసిందట. త్వరలో అవి సెట్స్ మీదకి రానున్నాయని కోలీవుడ్ మీడియా సంచారం.
Sai Pallavi: బుచ్చిబాబు దర్శకత్వంలో రామ్ చరణ్ నెక్స్ట్ సినిమా
ఇక తెలుగులో చందు మొండేటి దర్శకుడిగా అక్కినేని నాగచైతన్య హీరోగా తెరకెక్కబోతున్న సినిమాలో కూడా సాయి పల్లవి ఒకే అయింది. ఇప్పటికే, వీరి కాంబోలో లవ్ స్టోరీ సినిమా వచ్చి సూపర్ హిట్‌గా నిలిచింది. ఇదే క్రమంలో రామ్ చరణ్ సరసన కూడా నటించేందుకు గ్రీన్ సిగ్నల్ ఇచ్చిందని తెలుస్తోంది. ప్రస్తుతం చరణ్ గేమ్ ఛేంజర్ సినిమాలో నటిస్తున్న సంగతి తెలిసిందే. దిల్ రాజు నిర్మాణంలో శంకర్ ఎంతో ప్రతిష్ఠాత్మకంగా తెరకెక్కిస్తున్నారు.
దీని తర్వాత ఉప్పెన ఫేమ్ బుచ్చిబాబు దర్శకత్వంలో రామ్ చరణ్ నెక్స్ట్ సినిమాను చేయాల్సి ఉంది. శంకర్ సినిమా ఆలస్యం కావడంతో ఈ ప్రాజెక్ట్ సెట్స్ మీదకి రాలేదు. ఇదే సినిమా కోసం చరణ్ సరసన సాయి పల్లవిని అడిగారట. ఈ మూవీ చేయడానికి సాయి పల్లవి ఒప్పుకుందని, త్వరలో అధికారికంగా ప్రకటించనున్నారని టాలీవుడ్ మీడియా సమాచారం. ఇంతకముందు మెగాప్రిన్స్ వరుణ్ తేజ్ సరసన ఫిదా చిత్రం చేసి ఇక్కడ సెటిలైన సంగతి తెలిసిందే.
