Pregnant Ladies: సాధారణంగా ప్రతి మహిళ మాతృత్వాన్ని ఆస్వాదిస్తూ ఉంటుంది. ఈ క్రమంలోనే గర్భం దాల్చిన మహిళలు తమకు పుట్టబోయే బిడ్డ విషయంలోనూ అలాగే తమ ఆరోగ్య విషయంలోను ఎన్నో జాగ్రత్తలు తీసుకుంటారు. ఇలా గర్భవతి అనే విషయం తెలిసినప్పటి నుంచి మహిళలు తమ ఆహారంలోనూ అలాగే తమ పనుల విషయంలోను ఎన్నో జాగ్రత్తలు తీసుకుంటూ తమ బిడ్డ ఎదుగుదలకు జాగ్రత్త పడుతూ ఉంటారు అయితే గర్భం దాల్చిన మహిళలు తప్పనిసరిగా ఆహారంలో ఈ ఆరు పోషక పదార్థాలు ఉండాలని నిపుణులు తెలియజేస్తున్నారు.

గర్భం దాల్చిన మహిళలు తమ ఆహారంలో భాగంగా ఐరన్, కాల్షియం, విటమిన్ డి, ఫోలిక్ యాసిడ్, అయోడిన్, డిహెచ్ఏ వంటి ఆరు పోషకాలు తప్పకుండా తీసుకోవాలి. ఈ ఆరు పోషకాలు అధికంగా ఉన్నటువంటి ఆహార పదార్థాలను తీసుకోవడం ఎంతో ముఖ్యం.అలాగే కూరగాయలు ఆకుపచ్చని ఆకుకూరలను కూడా ప్రతిరోజు ఆహారంలో భాగంగా చేసుకోవాలి. ఇలా ఆహార పదార్థాలతో పాటు ఈ పోషక విలువలను టాబ్లెట్స్ రూపంలో కూడా తీసుకోవడం ఎంతో ముఖ్యం.

Pregnant Ladies:

గర్భిణీ స్త్రీలు ఎక్కువగా రక్తహీనత సమస్యతో బాధపడుతుంటారు. ఇలా ఈ సమస్యతో బాధపడే వారిలో బిడ్డ ఎదుగుదల ఆగిపోతుంది. అందుకే ఐరన్ ఎక్కువగా ఉన్నటువంటి ఆహార పదార్థాలను తీసుకోవాలి వీటితో పాటు క్యాల్షియం కూడా అధికంగా ఉండడం చేత బిడ్డ ఎదుగుదలకు అలాగే బిడ్డ శరీరంలోని ఎముకలు దృఢత్వానికి కూడా తోడ్పడుతుంది. ఈ విధంగా గర్భం దాల్చిన మహిళలు ఎక్కువగా పాలు పాల పదార్థాలతో పాటు ప్రోటీన్లు సమృద్ధిగా లభించే ఆహార పదార్థాలను తీసుకోవడం వల్ల కడుపులో బిడ్డ ఎదుగుదలకు ఎంతో ప్రయోజనకరంగా ఉంటుంది.