Pawan Kalyan: బాలకృష్ణతో పవర్ స్టార్ మల్టీ స్టారర్… ఫిక్స్ అయినట్లే

Pawan Kalyan: నందమూరి బాలకృష్ణ ప్రస్తుతం అన్ స్టాపబుల్ సీజన్ 2 చేస్తున్న సంగతి తెలిసిందే. ఈ సీజన్ ఫైనల్ ఎపిసోడ్ పవర్ స్టార్ పవన్ కళ్యాణ్ గెస్ట్ గా పాల్గొన్నారు. ఇక ఈ షోకి సంబంధించిన ఎపిసోడ్ ఫస్ట్ 1 ఇప్పటికే టెలికాస్ట్ అయ్యింది. తాజాగా గురువారం పార్ట్ 2 ఎపిసోడ్ స్ట్రీమింగ్ అయ్యింది. ఎప్పటిలాగే ఈ ఎపిసోడ్ కి విపరీతమైన ఆదరణ లభించింది.

ఇదిలా ఉంటే ఇప్పుడు ఈ ఎపిసోడ్ లో ఆసక్తికరమైన విషయాలని పవన్ కళ్యాణ్ పంచుకున్నారు. ముఖ్యంగా రాజకీయ అంశాల గురించి ఎక్కువగా చర్చించినట్లు తెలుస్తుంది. ఇక ఈ ఎపిసోడ్ లో దర్శకుడు కిష్ కూడా పాల్గొన్నాడు. ఇదిలా ఉంటే ఈ ఎపిసోడ్ పార్ట్ 2లో మరో ఇంటరెస్టింగ్ అప్డేట్ ఇచ్చారు. బాలకృష్ణ ఈ ఎపిసోడ్ వేదికగా పవన్ కళ్యాణ్ తో కలిసి మల్టీ స్టారర్ సినిమా చేయాలనే అభిప్రాయాన్ని వ్యక్తం చేశారు.

ఇక పవన్ కళ్యాణ్ కూడా బాలకృష్ణ అభిప్రాయానికి ఒకే చెప్పారు. కలిసి పనిచేయడానికి తాను సిద్ధమే అని చెప్పారు. ఇక ఈ సినిమాని క్రిష్ దర్శకత్వం వహించాలని కూడా బాలకృష్ణ సజిస్ట్ చేయడం విశేషం. దీంతో అన్ స్టాపబుల్ వేదికగా బాలకృష్ణ, పవన్ కళ్యాణ్ కాంబినేషన్ సినిమా సెట్ అయ్యిందనే మాట ఇప్పుడు వినిపిస్తుంది. ఇక క్రిష్ ఈ సినిమాకి దర్శకత్వం వహించడం కూడా కన్ఫర్మ్ అయిపొయింది.

అయితే ఈ ఇద్దరి కాంబినేషన్ లో సినిమాని నిర్మించేందుకు ఎవరు ముందుకి వస్తారు అనేది వేచి చూడాలి. ఇప్పటికే మెగా నందమూరి హీరోలు కలిసి ఆర్ఆర్ఆర్ సినిమాని చేశారు. ఈ సినిమాతో ఇద్దరు హీరోల ఫ్యాన్స్ కలిపేసారు.  ఇద్దరి ఫ్యాన్స్ మధ్య కొంత వైరుధ్యం ఉన్న కూడా అయినా కూడా మెగా ఫ్యాన్స్, నందమూరి ఫ్యాన్స్ ని కలపడానికి ఇప్పుడు పవర్ స్టార్, బాలకృష్ణ కలిసి సినిమాని చేయడానికి రెడీ అవడం విశేషం.