Politics: ఏపీ రాజకీయ ముఖచిత్రం మారుతుంది… కొత్తగా బీఆర్ఎస్ ప్రయోగం..

Politics: ఏపీ రాజకీయ ముఖచిత్రంలో ఇప్పటి వరకు టీడీపీ, వైసీపీ, జనసేన, బీజేపీ పార్టీలు కీలకంగా ఉన్నాయి. అధికార పార్టీ వైసీపీ మళ్ళీ అధికారంలోకి రావాలని ప్రయత్నం చేస్తుంది. టీడీపీ కూడా వచ్చే ఎన్నికలలో గెలుపు మాదే అంటుంది. ఇక జనసేన కూడా ప్రజలు మార్పు కోరుకుంటున్నారు. కచ్చితంగా మేము అధికారంలోకి వస్తాం అంటుంది. రానున్న ఎన్నికలలో మా బలాన్ని పెంచుకుంటాం అని బీజేపీ అంటుంది. ఇలా పార్టీలు అన్ని కూడా పొత్తులు, రాజకీయ ఎత్తుగడలు, భవిష్యత్తు ప్రణాళికతో ముందుకి సాగుతున్నాయి. ఇక అధికారం నిలుపుకోవడం కోసం వైసీపీ నాలుగంచెల వ్యూహంతో ప్రతిపక్షాలతో ఫైట్ చేస్తుంది. ఇక టీడీపీ జనసేనతో పొత్తు కోసం ప్రయత్నం చేస్తుంది. జనసేన భవిష్యత్తు కోసం పవన్ కళ్యాణ్ బస్సుయాత్రతో రాజకీయ క్షేత్రంలోకి దిగుతున్నారు. అలాగే పంచ వ్యూహాలతో యుద్ధానికి సిద్ధం అవుతున్నారు.

ఎలా అయిన వైసీపీని గద్దె దించాలి. తాము పీఠంపైకి ఎక్కాలి అని అనుకుంటుంది. ఇప్పుడు ఈ రాజకీయ ముఖచిత్రంలోకి బీఆర్ఎస్ పార్టీ వచ్చి చేరింది. తెలంగాణ ముఖ్యమంత్రి కేసీఆర్ తన పార్టీని జాతీయ పార్టీగా మార్చి ముందు ఫోకస్ ఏపీపైనే పెట్టారు. ఏపీలో ఇప్పటి వరకు అధికారం అనుభవిస్తున్న కులాలకి కాకుండా అత్యధిక జనాభా ఉన్న బీసీ, ఎస్సీ, ఎస్టీ వారిని ఆకట్టుకోవడమే ధ్యేయంగా ఏపీ రాజకీయ క్షేత్రంలోకి అడుగుపెట్టారు. ఇందులో భాగంగా కాపు నేత అయిన తోట చంద్రశేఖర్ కి ఏపీ బీఆర్ఎస్ అధ్యక్ష బాధ్యతలు అప్పగించారు. రానున్న రోజుల్లో కూడా ఆ మూడు కులాలకి చెందిన నాయకులని ఎక్కువగా పార్టీలోకి తీసుకునే ప్రయత్నం చేస్తున్నారు. ఇప్పటికే బ్యాక్ ఎండ్ లో దీనికి సంబందించిన వర్క్ నడుస్తుంది. చాలా మంది కాంగ్రెస్ పార్టీ నేతలు కూడా బీఆర్ఎస్ లో చేరడానికి రెడీ అవుతున్నట్లు సమాచారం.

అయితే బీఆర్ఎస్ ఏపీ రాజకీయ ప్రయాణంలో 2024లో అధికారంలోకి వచ్చే స్థాయిలో ఉండదు. దీనికి కారణం కేసీఆర్ మీద ఏపీ ప్రజలలో తీవ్రమైన వ్యతిరేకత ఉంది. అలాగే రాష్ట్ర విభజనకి కారణమైన కేసీఆర్ ని ఏపీలో ఎదగనిస్తే తెలంగాణ అభివృద్ధి కోసం ఏపీ అభివృద్ధికి ఆటంకం కలిగించే అవకాశం ఉందనే మాట రాజకీయ విశ్లేషకుల నుంచి వినిపిస్తుంది. తెలంగాణ వాదాన్ని బలంగా వినిపించే కేసీఆర్ ఏపీ అభివృద్ధిని కోరుకుంటాడని ఎవరు అనుకోరు. ఈ నేపధ్యంలో ఇప్పటికిప్పుడు ఏపీలో బీఆర్ఎస్ అధికారంలోకి వచ్చేస్తుందని మాత్రం ఎవరూ అనుకోరు. కాని తన సామాజిక సమీకరణాలు, రాజకీయ వ్యూహాలతో కచ్చితంగా గెలుపు ఓటములు డిసైడ్ చేసే వోట్ ఫ్యాక్టర్ గా మారే అవకాశం ఉందని రాజకీయ వర్గాలలో వినిపిస్తున్న మాట. అయితే కొంత మంది వైసీపీని దెబ్బ కొట్టి జనసేనని అధికారంలోకి తీసుకొచ్చే వ్యూహంలో భాగంగానే కేసీఆర్ ఏపీ ఎంట్రీ జరిగిందని భావిస్తున్నారు.

అందుకే పవన్ కళ్యాణ్, కేసీఆర్ వ్యూహాత్మకంగా తోట చంద్రశేఖర్ ని పైకి తీసుకొచ్చి బీఆర్ఎస్ అధ్యక్ష పగ్గాలు అప్పగించారని అంటున్నారు. అయితే కేసీఆర్ దత్త పుత్రుడుగా ఉన్న జగన్ కి మేలు చేయడం కోసమే కేసీఆర్ ఏపీ రాజకీయ కార్యాచరణ నడుస్తుందని టీడీపీ సపోర్టర్స్ చేస్తున్న విమర్శ.అయితే టీడీపీకి మాత్రం కేసీఆర్ తో ఎలాంటి ఉపయోగం అయితే ఉండదు. ఎందుకంటే ఈ రెండు పార్టీల మధ్య తెలంగాణలో కోల్డ్ వార్ నడుస్తుంది. ఈ నేపధ్యంలో కేసీఆర్ టీడీపీని దెబ్బకొట్టే వ్యూహాలే సిద్ధం చేస్తాడని భావిస్తున్నారు. ఈ నేపధ్యంలో అయితే వైసీపీ, లేదంటే జనసేనకి బీఆర్ఎస్ పార్టీ రాజకీయాలు అనుకూలంగా మారే అవకాశాలు ఉన్నాయని రాజకీయ విశ్లేషకుల మాట.

VSR

విఎస్అర్ - సీనియర్ సబ్ ఎడిటర్: 5 సంవత్సరాలుగా.. సినిమా, హెల్త్, ఎడ్యుకేషన్, స్పిరిచువల్..వార్తలను రాస్తున్నారు. ప్రముఖ సోషల్ మీడియా వెబ్‌సైట్స్‌లో రాసిన అనుభవం కలదు. 2017 నుంచి సబ్ ఎడిటర్‌గా పని చేస్తున్నారు.

Recent Posts

Tollywood: పవన్‌తో విడిపోయిన వెంటనే అన్నా కీలక నిర్ణయం..!

Tollywood: పవర్ స్టార్ పవన్ కల్యాణ్ వ్యక్తిగత జీవితం మరోసారి రెండు తెలుగు రాష్ట్రాల్లోనూ, సోషల్ మీడియా వేదికగానూ హాట్…

1 week ago

AP POLITICS: ఏపీ లోకల్ ఎలక్షన్స్.. వైసీపీకి ప్లస్సా? మైనసా?

AP POLITICS: గత సార్వత్రిక ఎన్నికల్లో ఎదురైన ఘోర పరాజయం నుంచి వైఎస్ఆర్ కాంగ్రెస్ పార్టీ ఇంకా కోలుకోలేదా? అంటే..…

1 week ago

TS POLITICS: రేవంత్ బర్త్‌డే: పట్టించుకోని కాంగ్రెస్ పెద్దలు

TS POLITICS: తెలంగాణ ముఖ్యమంత్రి రేవంత్ రెడ్డి పుట్టినరోజు వేడుకలు ప్రస్తుతం రాజకీయ వర్గాల్లో తీవ్ర చర్చనీయాంశంగా మారాయి. ఒక…

1 week ago

NATS: షార్లెట్‌లో తెలుగు సంబరాలు.. మిషిగన్‌లో నాట్స్

NATS: అమెరికాలోని షార్లెట్‌ లో నిర్వహించిన ‘షార్లెట్ తెలుగు సంబరాలు 2026’ వేడుకలు ఘనంగా జరిగాయి. చిన్నారులు, యువత, పెద్దలు…

4 weeks ago

Sai Gangula: న్యూజెర్సీ తెలుగు సమాజానికి నాట్స్ కొత్త నాయకత్వం – చాప్టర్ లీడర్‌గా సాయి గంగుల నియామకం

Sai Gangula: న్యూజెర్సీలోని తెలుగు సమాజానికి ఉత్తర అమెరికా తెలుగు సంఘం (నాట్స్) కొత్త నాయకత్వాన్ని ప్రకటించింది. నాట్స్ న్యూజెర్సీ…

1 month ago

Srinidhi Shetty: ‘ఆదర్శ కుటుంబం’ శ్రీనిధికి టాలీవుడ్‌లో ఆఫర్స్ తెస్తుందా?

Srinidhi Shetty: కన్నడ బ్యూటీ శ్రీనిధి శెట్టికి తెలుగులో ఇప్పటి వరకూ సాలీడ్ దక్కలేదు. కన్నడలో ఆమె నటించిన కేజీఎఫ్…

2 months ago

This website uses cookies.