Lord Shiva:సాధారణంగా ప్రతి ఒక్కరు తమ జీవితంలో ఎన్నో రకాల కోరికలను కోరుతూ దేవుళ్లను ప్రార్థిస్తూ ఉంటారు.. తమ జీవితంలో ఉన్నత లక్ష్యాలను చేరుకోవాలని మంచి ఉద్యోగం రావాలని ఇలా జీవితానికి సంబంధించి చాలా కోరికలు కోరుతూ దేవుడి ముందు అప్లికేషన్ పెడుతూ ఉంటారు. అయితే చాలామంది కోరికలు నెరవేరినప్పటికీ కొంతమంది పనులు మాత్రం ఎప్పటికీ జరగకుండా ఎన్నో ఆటంకాలు ఏర్పడుతూ ఉంటాయి. ఇలా మనం కోరిన కోరికలు నెరవేరుకపోతే వాటి పరిష్కారం కోసం శివాలయంలో ఈ చిన్న పరిహారాలు చేస్తే కోరికలు నెరవేరుతాయి అని ఆధ్యాత్మిక పండితులు చెబుతున్నారు. మరి శివాలయంలో చేయాల్సిన పరిహారాలు ఏంటి అనే విషయానికి వస్తే..

 

మనం కోరుకున్న కోరికలు నెరవేరకపోతే ఎవరికి తెలియకుండా శివాలయానికి వెళ్లి అక్కడ రాగి చెంబును దానం చేసి రావటం వల్ల కోరుకున్న కోరికలు నెరవేరుతాయి. అదేవిధంగా ఒక ఐదు యాలకలను తీసుకొని అవి కుడి చేతిలో పట్టుకొని మనస్ఫూర్తిగా దేవుని ముందు మన కోరికను తెలియజేసి ఆ యాలకులను స్వామివారి ముందు వేసి మనస్ఫూర్తిగా నమస్కరించుకోవడం వల్ల మనం అనుకున్న పనులు జరుగుతాయని, కోరుకున్న కోరికలు కూడా నెరవేరుతాయిని పండితులు చెబుతున్నారు.

Lord Shiva: నల్లని నువ్వులు ఆలయ ప్రాంగణంలో వేయాలి..

 

ఇక మన కోరికలు నెరవేరని నేపథ్యంలో శివాలయానికి వెళ్లే సమయంలో ఇంటి నుంచి నల్లని నువ్వులు తీసుకుని వెళ్లాలి ముందుగా స్వామివారి దర్శనమైన తర్వాత స్వామివారి హారతులు తీసుకొని పూజ పూర్తి చేసిన అనంతరం ఆ నల్లటి నువ్వులను ఆలయ ప్రాంగణంలో చల్లి వెళ్లాలి. అయితే ఇలా ఆలయ ప్రాంగణంలో నువ్వులను చల్లిన తర్వాత ఎలాంటి పరిస్థితులలో కూడా తిరిగి వెనక్కి చూడకూడదు. వెనక్కు తిరగకుండా కచ్చితంగా మనం కోరుకున్న కోరికలు నెరవేరుతాయిని పండితులు చెబుతున్నారు. ఇక ఈ పరిహారాలను శివుడికి ఎంతో ఇష్టమైన సోమవారం చేయటం మరింత ఫలితాలను కలిగిస్తుంది. ఇక మనం కోరుకున్న కోరికలు న్యాయం నిజాయితీ ఉండాలని అలా కాకుండా ఇతరుల చెడును కోరుతూ ఈ పరిహారాలు చేస్తే ఇలాంటి ఫలితాలు ఉండవని పండితులు తెలియజేస్తున్నారు.