NTR: హమ్మయ్య ఎట్టకేలకు కూటమి గెలుపు పై స్పందించిన జూనియర్ ఎన్టీఆర్.. ట్వీట్ వైరల్?

NTR: తాజాగా ఏపీలో ఎన్నికల ఫలితాలు విడుదలైన విషయం తెలిసిందే. ఇందులో కూటమి భారీ విజయాన్ని సాధించింది. జనసేన బీజేపీ తెలుగుదేశం పార్టీలు గెలవడంతో అభిమానులు సెలబ్రిటీల నుంచి ఆ పార్టీ నేతలకు పెద్ద ఎత్తున ప్రశంసలు వెల్లువెత్తుతున్నాయి. ముఖ్యంగా సినీ పరిశ్రమ నుంచి హీరోలు, డైరెక్టర్లు, నిర్మాతలు, అనేకమంది సినీ ప్రముఖులు చంద్రబాబు, పవన్ కళ్యాణ్ కి అభినందనలు తెలుపుతూ సోషల్ మీడియాలో ట్వీట్స్ చేస్తున్నారు. నిన్నే చాలా మంది అభినందిస్తూ ట్వీట్స్ చేశారు.

అయితే టిడిపి అధికారంలోకి రావడంతో ముఖ్యంగా అభిమానులు అందరూ కూడా ఒకరి స్పందన కోసం ఎంతగానో ఎదురు చూశారు. ఆ ఒక్కరు మరెవరో కాదు జూనియర్ ఎన్టీఆర్. ఎన్టీఆర్ తాజాగా ఏపీ ఫలితాలపై స్పందించారు. ఈ మేరకు తన ట్విట్టర్ ఖాతాలో ఈ విధంగా రాసుకొచ్చారు. ప్రియమైన చంద్రబాబు మావయ్యకి ఈ చారిత్రాత్మకమైన విజయాన్ని సాధించిందుకు నా హృదయపూర్వక శుభాకాంక్షలు. మీ ఈ విజయం ఆంధ్రప్రదేశ్ రాష్ట్రాన్ని అభివృద్ధి పథం వైపున నడిపిస్తుందని ఆశిస్తున్నాను. అద్భుతమైన మెజారిటీతో గెలిచిన లోకేష్ కి, మూడోసారి ఘన విజయం సాధించిన బాలకృష్ణ బాబాయికి, MPలుగా గెలిచిన భరత్, పురంధేశ్వరి అత్తకి నా శుభాకాంక్షలు.

అలాగే ఇంతటి ఘనవిజయం సాధించిన పవన్ కళ్యాణ్ గారికి కూడా నా హృదయపూర్వక శుభాకాంక్షలు అని రాసుకొచ్చారు. కాగా ఈ ట్వీట్ సోషల్ మీడియాలో వైరల్ అవ్వడంతో అటు పవన్ కళ్యాణ్ అభిమానులు ఇటు టీడీపీ నేతలు ఎన్టీఆర్ అభిమానులు ఆనందం వ్యక్తం చేస్తున్నారు. అయితే ఎన్నికల ప్రచారానికి ముందు ఎన్టీఆర్ పై చాలామంది దారుణంగా ట్రోలింగ్స్ చేసిన విషయం తెలిసిందే. కానీ ఇప్పుడు ఎన్టీఆర్ స్వయంగా కూటమి విజయం పై స్పందించడంతో ట్రోలింగ్స్ చేసిన వారు సైతం ఎన్టీఆర్ ని మెచ్చుకుంటున్నారు.