Bramha Muhurtham: సాధారణంగా మనం లక్ష్మీదేవి అనుగ్రహం కోసం ఎన్నో రకాల పూజలు పరిహారాలు చేస్తూ అమ్మవారి అనుగ్రహాన్ని పొందడం కోసం ప్రయత్నాలు చేస్తాము. ఇలా లక్ష్మీదేవి అనుగ్రహం మనపై ఉంటే ఏ విధమైనటువంటి ఆర్థిక ఇబ్బందులు ఉండవని భావిస్తూ ఉంటారు. లక్ష్మీదేవి అనుగ్రహం మనపై ఉండాలి అంటే బ్రహ్మ ముహూర్తంలో ఈ రెండు పనులు చేయటం వల్ల లక్ష్మీదేవి అనుగ్రహాన్ని పొందవచ్చు. మరి బ్రహ్మ ముహూర్తంలో చేయాల్సినటువంటి ఆ పనులు ఏంటి అనే విషయానికి వస్తే…
బ్రహ్మ ముహూర్తం అంటే తెల్లవారుజామున 4 గంటల నుంచి 5: 30 నిమిషాల మధ్య సమయంలో ఉన్న కాలాన్ని బ్రహ్మ కాలం లేదా బ్రహ్మ ముహూర్తం అని పిలుస్తారు. ఈ సమయంలో మనం నిద్రలేచి కాల కృత్యాలు తీర్చుకొని చక్కగా స్నానం చేసి ఇంటిని శుభ్రం చేసుకుని ఆ భగవంతుడిని స్మరించడం వల్ల ఎన్నో శుభ ఫలితాలు కలుగుతాయని పండితులు చెబుతుంటారు. ఈ సమయంలో దేవతలు, దేవతల పరివారం తీర్థయాత్రలు చేస్తారని నమ్ముతారు.
అందుకే ఈ సమయంలో మనం భగవంతుని మంత్రాలను జపిస్తే ఆయన సంతోషించి, కోర్కెలు నెరవేరుస్తాడు. మన పరిసరాలను పరిశుభ్రంగా ఉంచుకొని స్నానం చేసే ఉతికిన బట్టలలో స్మరించుకోవాలి. అయితే భగవంతుడిని స్మరించుకునే సమయంలో ఈ రెండు మంత్రాలను చదువుకోవటం వల్ల అమ్మవారి అనుగ్రహం మాత్రమే కాకుండా సకల దేవతల అనుగ్రహం కూడా మనపైనే ఉంటుంది.
బ్రహ్మ మురారి త్రిపురాంతకరీ భానుః శశి భూమి సుతో బుధశ్చ|
బృహస్పతి శుక్రుడు శని రాహు కేతవ సర్వే గ్రహ శాంతి కరా భవన్తు||
కరాగ్రే వసతే లక్ష్మీ కరమధ్యా సరస్వతీ
కరమూలే తు గోవిందః ప్రభాతే కరదర్శనమ్||
