Technology: తూచ్ తప్పు జరిగింది? మీరు విధుల్లోకి రండంటూ ఎలాన్ మస్క్ ఈ మెయిల్స్‌?

Technology: ట్విట్టర్‌కు కొత్త బాస్‌గా బాధ్యతలను చేపట్టిన వెంటనే హుటా హుటిన 3వేలకు పైగా మంది ఉద్యోగులను విధుల్లోంచి తొలగించి ఇంటికి సాగనంపాడు ఎలాన్ మస్క్‌. అయితే అది పెద్ద తప్పని తెలుసుకున్నాడు కాబోలు వెంటనే దిద్దుబాటు చర్యలను మొదలుపెట్టాడు. ఉద్యోగుల తొలగింపు తరువాత ఏర్పడిన గందోరగోళ పరిస్థితులను చక్కదిద్దేందుకోసం తొలగించిన వారిలో కొంత మంది ఉద్యోగులను తిరిగి రావాలని ఎలాన్ వేడుకుంటున్నాడట.

ట్విట్టర్‌లో ఏకంగా 3,700 మంది ఉద్యోగులను తొలగించిన ఎలోన్ మస్క్, నిర్ణయాలు తీసుకునే విషయంలో తాను తప్పటడుగు వేస్తాడని మరోసారి నిరూపించాడు. శుక్రవారం చాలా మంది ట్విటర్ ఉద్యోగులు కంపెనీకి చెందిన వివిధ వెబ్‌సైట్‌ల నుండి మస్క్ యొక్క ట్విట్టర్ లేఆఫ్ ప్లాన్‌లో భాగంగా వారి ఉపాధిని రద్దు చేసినట్లు తెలుసుకున్నారు. అయితే ఆ తరువాత, ఆశ్చర్యకరమైన మలుపులో భాగంగా డజన్ల కొద్దీ ట్విట్టర్ ఉద్యోగులు పొరపాటున తొలగించబడ్డారని, ఈమెయిల్స్ విషయంలో కొన్ని తప్పులు దొర్లాయని , మస్క్ యొక్క కొత్త ట్విటర్ ప్లాన్‌ల అమలు కోసం మీ సేవలు అవసరం అని కొంత మంది ఉద్యోగులకు మరోసారి మెయిల్స్ పంపించినట్లు తెలుస్తోంది.

మస్క్ తో పాటు డబ్బున్న భాగస్వాములు 44 బిలియన్ డాలర్లకు కొనుగోలు చేసిన ఈ సంస్థ రోజుకు 4 మిలియన్ల డాలర్లను కోల్పోతోంది. అందుకే నష్టాల ఊబి నుంచి ట్విట్టర్‌ ను అభివృద్ధివైపు నడిపించాలనే ఉద్దేశంతో శ్రామిక శక్తిని తగ్గించాలని భావించిన ట్విట్టర్ చర్యలను విప్లాష్ ఈవెంట్‌గా అభివర్ణిస్తున్నారు. అయితే ఎంప్లాయిస్‌ కాల్‌బ్యాక్‌కు సంబంధించి ఇంకా ఎలాన్ ఎలాంటి ట్వీట్ చేయలేదు.దీనిపైన ఎవరూ స్పందించలేదు.

ట్విట్టర్‌ను సోషల్ మీడియాలో టాప్‌ ప్లేస్‌లో నిలబెట్టాలని భారీ ప్లాన్‌లు వేస్తున్నాడు ఎలాన్‌. ఇప్పటికే ప్రత్యేక ప్రణాళికను తయారు చేసినట్లు తెలుస్తోంది. అయితే తన ప్లాన్స్ సవ్యంగా సాగాలంటే నిపుణులైన ఎంప్లాయిస్ అవసరం. అయితే ఎలాన్ తొలగించిన ఉద్యోగుల్లో నైపుణ్యత కలిగినవారు లేకపోలేదు. ఈ క్రమంలో వారి సహాయం తన అప్‌కమింగ్ ప్లాన్స్‌ను ముందుకు తీసుకెళ్లేందుకు చాలా అవసరం. అందుకే మెయిల్స్‌ ద్వారా ఎంప్లాయిస్‌ను తిరిగి విధుల్లోకి రమ్మన్నారని టాక్ వినిపిస్తోంది. అయితే ఎంత మంది తిరిగి విధుల్లోకి తిరిగి వస్తారు అన్నది ఇప్పటికీ క్వశ్చన్ మార్క్‌. అసలు వారినే పిలుస్తారా? లేదా కొత్తవారిని తీసుకుంటారా అనే విషయంపైన ఎలాంటి క్లారిటీ లేదు. ఈ విషయం తెలియాలంటే ఎలాన్ మస్క్ తన నిర‌్ణయాన్ని ప్రకటించే వరకు వేచి చూడాల్సిందే.