Tulasi Leaves: తులసి ఆకులకు ఎంతో ప్రాధాన్యత ఉంది ఆరోగ్య పరంగాను అలాగే ఆధ్యాత్మిక పరంగాను తులసి ఆకులను ఎంతో పవిత్రమైనవిగా భావిస్తూ ఉంటారు. ఇలా తులసి ఆకులను ఆయుర్వేదంలో కూడా విరివిగా ఉపయోగిస్తారు కనుక ప్రతి ఒక్క ఇంటి ఆవరణంలో తులసి కోట తప్పనిసరిగా ఉంటుంది ఇక తులసి మొక్కను సాక్షాత్తు లక్ష్మీదేవి స్వరూపంగా భావించి ప్రతి ఒక్కరు ఈ తులసి మొక్కకు ప్రతిరోజు ఉదయం సాయంత్రం పూజ చేస్తూ ఉంటారు.

ఇలా తులసి చెట్టును పూజించడం వల్ల ఎన్నో ఫలితాలు కలుగుతాయని ముఖ్యంగా ఆర్థిక ఇబ్బందుల నుంచి బయటపడవచ్చు అని భావిస్తుంటారు. ఇలా ఆధ్యాత్మిక పరంగా ఎంతో పవిత్రమైన ఈ తులసి మొక్క రెండు ఆకులను ప్రతిరోజు రాత్రి పడుకునే ముందు కింద పెట్టుకోవడం వల్ల ఎన్నో అద్భుతాలు జరుగుతాయని వాస్తు నిపుణులు చెబుతున్నారు. మరి తులసి మొక్క ఆకులను దిండు కింద పెట్టుకోవడం వల్ల ఎలాంటి ప్రయోజనాలు కలుగుతాయి అనే విషయానికి వస్తే..

తులసి ఆకులను దిండు కింద పెట్టుకొని పడుకోవటం వల్ల మన ఇంట్లో ఉన్న ప్రతికూలత తొలిగిపోతుంది అలాగే మీ మనసులో వచ్చే ప్రతికూల ఆలోచనలు కూడా తొలగిపోతాయి.మీ మనస్సు కూడా ప్రశాంతంగా ఉంటుందని ఆరోగ్య నిపుణులు చెబుతున్నారు. కాగా తులసి ఆకులను దిండు కింద ఉంచితే మానసిక ఒత్తిడి కూడా తగ్గిపోతుందట. ఏదైనా మానసిక అనారోగ్యం మిమ్మల్ని ఇబ్బంది పెడితే అది కూడా పోతుందని చెబుతున్నారు. అంతేకాకుండా, కోపాన్ని నియంత్రించడంలో కూడా ఇది మీకు చాలా ప్రయోజనకరంగా ఉంటుంది.దిండు కింద తులసి ఆకును ఉంచడం వల్ల గ్రహాలు కూడా ప్రశాంతంగా ఉంటాయట. గ్రహాల నుండి లభించిన అశుభం తొలగిపోవడం ప్రారంభమవుతుందట. గ్రహ దోషాలు ఏమైనా ఉన్నా కూడా తొలగిపోతాయని పండితులు చెబుతున్నారు. అయితే వీటిని ఒక ఎర్రని వస్త్రంలో పెట్టి దిండు కింద పెట్టుకోవడం వల్ల శుభం కలుగుతుంది.