AP POLITICS: 2024 ఏపీ అసెంబ్లీ ఎన్నికల్లో వంద శాతం స్ట్రైక్ రేట్తో సరికొత్త రికార్డు సృష్టించిన జనసేన అధినేత, ఏపీ ఉపముఖ్యమంత్రి పవన్ కళ్యాణ్ ప్రస్తుతం తిరుగులేని రాజకీయ శక్తిగా వెలుగుతున్నారు. కూటమి ఏర్పాటులో కీలక పాత్ర పోషించి, వైఫల్యం లేని విజయంతో పీఠం ఎక్కిన పవన్ ప్రయాణం పైకి అంతా సాఫీగా కనిపిస్తున్నా.. తెర వెనుక మాత్రం సరికొత్త రాజకీయ సమీకరణాలు ఆయన్ను చుట్టుముడుతున్నాయి. ముఖ్యంగా బీజేపీ తో ఆయనకు ఉన్న బలమైన అనుబంధం, ఇప్పుడు జనసేనకు కొత్త తలనొప్పులు తెచ్చిపెడుతోందా అనే చర్చ పొలిటికల్ సర్కిల్స్లో జోరందుకుంది. కూటమి విజయంతో పెరగాల్సిన మిత్రుల సంఖ్య కంటే, ఈ దోస్తీ వల్ల పెరుగుతున్న శత్రువుల సంఖ్యే ఇప్పుడు ఆందోళన కలిగిస్తోంది.
సినిమా రంగంలో పవన్కు ఆప్తుడిగా ఉంటూనే, రాజకీయంగా నిత్యం విమర్శలు గుప్పించే విలక్షణ నటుడు ప్రకాష్ రాజ్ వైఖరే ఇందుకు ప్రత్యక్ష ఉదాహరణ. సోషల్ మీడియా వేదికగా ‘జస్ట్ ఆస్కింగ్’ అంటూ ఆయన పవన్ను టార్గెట్ చేయడం వెనుక వ్యక్తిగత వైరం కంటే.. బీజేపీపై ఉన్న వ్యతిరేకత ఎక్కువగా కనిపిస్తోందని విశ్లేషకులు భావిస్తున్నారు. సనాతన ధర్మం, జాతీయవాదం, హిందీ భాషా మద్దతు వంటి అంశాలపై పవన్ మాట్లాడుతున్న ప్రతిసారీ.. ఆయన వెనుక బీజేపీ స్క్రిప్ట్ ఉందనే ముద్ర వేసేందుకు ప్రత్యర్థులు ప్రయత్నిస్తున్నారు. అత్త మీద కోపం దుత్త మీద చూపించినట్లు.. కేంద్రంలోని బీజేపీని నేరుగా ఢీకొట్టలేని శక్తులన్నీ, ఇప్పుడు ఆ పార్టీకి అత్యంత ఆప్తుడిగా ఉన్న పవన్ను టార్గెట్ చేస్తూ పరోక్షంగా దాడికి దిగుతున్నాయి.
అయితే ఈ మొత్తం ఎపిసోడ్లో బీజేపీ వ్యూహాత్మక మౌనం వహించడం గమనార్హం. పవన్ కళ్యాణ్కు ఉన్న అశేష ప్రజాదరణను, స్టార్ ఇమేజ్ను తమ ఎన్నికల ప్రచారాలకు, పార్టీ మైలేజ్కు బీజేపీ అద్భుతంగా వాడుకుంటోంది. తెలంగాణ అసెంబ్లీ ఎన్నికల నుంచి మొన్నటి తమిళనాడు రాజకీయ పరిణామాల వరకు.. పవన్ క్రేజ్ బీజేపీకి లాభం చేకూర్చిన మాట వాస్తవం. కానీ, అదే సమయంలో ఇతర రాష్ట్రాల్లోని ప్రాంతీయ పార్టీల నేతలు, బీజేపీ వ్యతిరేక శక్తులు పవన్ను శత్రువుగా చూడటం ప్రారంభించాయి. ఒక రకంగా బీజేపీతో స్నేహం వల్ల జనసేనకు జాతీయ స్థాయిలో గుర్తింపు వస్తున్నప్పటికీ, ప్రాంతీయంగా లేనిపోని రాజకీయ శత్రుత్వాన్ని, వ్యక్తిత్వ హననాన్ని పవన్ మోయాల్సి వస్తోంది.
కూటమి ప్రభుత్వంలో డిప్యూటీ సీఎంగా బాధ్యతలు సక్సెస్ఫుల్గా నిర్వహిస్తున్న కూడా.. ఈ జాతీయ స్థాయి రాజకీయ చట్రం పవన్ చుట్టూ ఒక పద్మవ్యూహాన్ని సృష్టిస్తోంది. మిత్రపక్షంగా ఉంటూ లాభపడటం కంటే.. ఆ స్నేహం తెచ్చిపెడుతున్న వివాదాలను సర్దుబాటు చేసుకోవడానికే పవన్ ఎక్కువ శక్తిని వెచ్చించాల్సి వస్తోంది. మరి ఈ రాజకీయ దోస్తీ జనసేన భవిష్యత్తుకు నిజంగానే రక్షణ కవచంగా మారుతుందా, లేక కొత్త శత్రువులను తయారు చేసే శాపంగా పరిణమిస్తుందా అనేది రాబోయే రోజుల్లో పవన్ తీసుకునే వ్యూహాత్మక నిర్ణయాలపైనే ఆధారపడి ఉంటుంది.
Lemon Water: ఇటీవల కాలంలో చాలా మళ్లీ ఆరోగ్యం పై ఎంతో శ్రద్ధ వహిస్తున్నారు ఈ నేపథ్యంలోని ప్రతిరోజు ఉదయం…
Tirumala: తిరుమల శ్రీవారి దర్శనం కోసం భక్తులు పెద్ద ఎత్తున తిరుమలకు చేరుకుంటున్న సంగతి తెలిసిందే. ప్రతిరోజు లక్షలాదిమంది భక్తుల స్వామి…
Coconut Water: కొబ్బరి నీళ్లలో సహజసిద్ధమైన ఎన్నో ఆరోగ్య ప్రయోజనాలు దాగి ఉన్నాయి. కొబ్బరి నీళ్లలో పొటాషియం, మెగ్నీషియం, కాల్షియం…
Pushpayagam Seva Tickets: తిరుమల తిరుపతి దేవస్థానంలో ప్రతి ఏడాది ఎంతో ఘనంగా పుష్పయాగం నిర్వహిస్తారు. ఈ నేపథ్యంలోనే ఈ…
Papaya: మనం ఆరోగ్యంగా ఉండాలి అంటే మనం తీసుకునే ఆహార పదార్థాలతో పాటు పండ్లు కూడా ఎంతో కీలకపాత్ర వహిస్తాయి.…
Sravana Masam: మన తెలుగు క్యాలెండర్ ప్రకారం ఉన్న 12 నెలలకు ఎంతో మంచి ప్రాధాన్యత ఉంది. ఆషాడ మాసం…
This website uses cookies.