రాహుల్ రామకృష్ణ తన అధికారిక ఎక్స్ (ట్విట్టర్) ఖాతా ద్వారా పవన్ కళ్యాణ్ బాధ్యతలు నిర్వహిస్తున్న శాఖల పనితీరును నేరుగా ప్రశ్నించారు. “పవన్ కళ్యాణ్ గారు.. మీ ఆర్భాటాలను కాస్త పక్కన పెడితే, సమాచార హక్కు చట్టం (RTI) కింద మీ శాఖల్లోని వివరాలను బహిర్గతం చేస్తున్నారా? సెక్షన్ 4.1(బి) ప్రకారం ముందస్తు సమాచారాన్ని ప్రజలకు అందుబాటులో ఉంచారా?” అంటూ ఒక సామాన్య పౌరుడిగా, అభిమానిగా తనకు సమాధానం కావాలని గట్టిగా డిమాండ్ చేశారు.

అయితే, ఈ ట్వీట్ ముగింపులో రాహుల్ రామకృష్ణ ‘జై తెలంగాణ’ అని నినదించడం ఇప్పుడు మరింత వివాదానికి కేంద్రబిందువుగా మారింది. ఇటీవల హైదరాబాద్‌లో పవన్ కళ్యాణ్ చేసిన కొన్ని వ్యాఖ్యలపై తెలంగాణ సమాజంలో అసంతృప్తి వ్యక్తమవుతున్న నేపథ్యంలో.. రాహుల్ ఈ స్లోగన్ వాడటం హాట్ టాపిక్‌గా మారింది. పవన్ కళ్యాణ్ అభిమానుల నుంచి వచ్చే ట్రోలింగ్‌ను ముందే ఊహించిన రాహుల్.. “ప్రశ్నించినంత మాత్రాన నన్ను దేశద్రోహిగా ముద్ర వేయకండి” అంటూ ముందే కౌంటర్ ఇవ్వడం విశేషం. ప్రస్తుతం ఈ ఇష్యూ సోషల్ మీడియాను షేక్ చేస్తోంది.