Tea: రుచిగా ఉండాలని టీని ఎక్కువగా మరిగిస్తున్నారా.. ఇది తెలుసుకోవాల్సిందే!

Tea: టీ ఈ పేరు వింటేనే చాలామందికి ఎంతో ప్రశాంతంగా ఉంటుంది ఉదయం నిద్ర లేవగానే ఒక కప్పు టీ తాగనిదే రోజు గడవదు. ఉదయం లేవగానే ఒక కప్పు టీ తాగిన తర్వాత ప్రతి ఒక్కరు కూడా వారి పనులలో నిమగ్నం అవుతూ ఉంటారు. అయితే చాలామంది టీ తయారు చేసేటప్పుడు వారి వారి స్టైల్ లో తయారు చేసుకుంటూ ఉంటారు. ఇకపోతే చాలామంది టీ మంచి రుచిగా సువాసనగా ఉండాలని ఎక్కువగా మరగనిస్తారు.

ఈ విధంగా టీ ఎక్కువసేపు మరగడం వల్ల చాలా రుచిగా ఉంటుందని భావిస్తూ ఉంటారు కానీ టీ ఎక్కువ సేపు మరిగించడం వల్ల రుచిగా రావడం ఏమో కానీ ఎన్నో అనారోగ్య సమస్యలు వస్తాయని ఆరోగ్య నిపుణులు చెబుతున్నారు. టీని 4 నిమిషాల కంటే ఎక్కువగా మరిగిస్తే కనుక ఎన్నో ఇబ్బందులను ఎదుర్కోవాల్సి ఉంటుంది. మరి ఆ ఇబ్బందులు ఏంటి అనే విషయాలను ఇక్కడ తెలుసుకుందాం..

టీలో చాలా టానిన్లు ఉంటాయి. ఇది శరీరంలోకి ప్రవేశించే అనేక అణువులను విచ్ఛిన్నం చేయడంలో ఇబ్బందిని సృష్టిస్తుంది. టీని ఎక్కువసేపు అంటే నాలుగైదు నిమిషాల కంటే ఎక్కువసేపు మరిగిస్తే.. టానిన్లు శరీరంపై ప్రతికూల ప్రభావాలను చూపిస్తాయి మన శరీరంలోకి వెళ్లినటువంటి ఐరన్ ను శరీరం గ్రహించలేక పోతుంది.ఎక్కువగా మరిగించిన టీ మీలో జీర్ణ సమస్యలను కలిగిస్తుంది. కడుపు నొప్పి, ఇతర కడుపు సమస్యలు వస్తాయి. ఇది కాకుండా క్యాన్సర్‌కు కారణమయ్యే క్యాన్సర్ కారకాలు టీని ఎక్కువగా మరిగిస్తే ఏర్పడతాయి. ఇక రోగనిరోధక శక్తిపై కూడా తీవ్రమైనటువంటి ప్రభావాన్ని చూపుతుంది. అందుకే టి ఆరోగ్యంగా తాగాలి అంటే కేవలం నాలుగు నిమిషాలు మరిగిస్తే చాలని నిపుణులు చెబుతున్నారు.