Beauty Tips: ప్రస్తుత కాలంలో ప్రతి ఒక్కరు కూడా అందంగా కనపడాలని కోరుకుంటూన్నారు. ఇలా అందంగా కనిపించడం కోసం ఎన్నో రకాల చర్మ సౌందర్య ఉత్పత్తులను ఉపయోగించడమే కాకుండా తరచూ బ్యూటీ పార్లర్లకు వెళ్తూ భారీ స్థాయిలో డబ్బును ఖర్చు చేస్తూ అందాన్ని పెంపొందించుకుంటున్నారు. అయితే ఇలా కెమికల్స్ తో కాకుండా కేవలం సహజ సిద్ధంగా మన ఇంట్లో దొరికే వాటితోనే మన అందాన్ని రెట్టింపు చేసుకోవచ్చు.
మన మొహం పై ఏర్పడినటువంటి దుమ్ము ధూళికణాలు వల్ల ముఖ సౌందర్యం తగ్గిపోతుంది. అదే విధంగా చర్మంపై ఏర్పడినటువంటి మృత కణాలు, ట్యాన్ వంటి వాటి వల్ల చర్మం అందం తగ్గిపోతుంది. అయితే మన చర్మ సౌందర్యాన్ని పెంపొందించుకోవాలి అంటే మన ఇంట్లో దొరికే కాఫీ పౌడర్ చక్కర ఉంటే చాలు మన అందాన్ని రెట్టింపు చేసుకోవచ్చు మరి అది ఎలాగో ఇక్కడ తెలుసుకుందాం…
ఒక గిన్నెలోకి ఒక టేబుల్ స్పూన్ చక్కెర తీసుకోవాలి అలాగే అందులోకి ఒక టేబుల్ స్పూన్ కాఫీ పొడి ఒక టేబుల్ టీ స్పూన్ అలోవెరా జెల్ వేసి ఈ మిశ్రమాన్ని బాగా కలపాలి ఇలా కలిపిన ఈ మిశ్రమాన్ని మొహానికి అప్లై చేసుకోవాలి. అయితే ఈ మిశ్రమం అప్లై చేసుకోవడానికి ముందు మొహం శుభ్రంగా కడుక్కొని ఈ మిశ్రమంతో మూడు నిమిషాల పాటు బాగా మసాజ్ చేయాలి. ఇలా మసాజ్ చేసిన తర్వాత చల్లని నీటితో శుభ్రం చేసుకుంటే ముఖంపై ఏర్పడినటువంటి దుమ్ము ధూళి తొలగిపోతాయి. అలాగే మృత కణాలు కూడా తొలగిపోతాయి. ఇలా వారంలో రెండు సార్లు చేయటం వల్ల చర్మం ఎంతో కాంతివంతంగా మెరుస్తుంది.
