Vastu Tips: సాధారణంగా ప్రతి ఒక్కరికి ఆర్థిక సమస్యలు వెంటాడుతూ ఉంటాయి. అయితే కొంతమందికి ఆ సమస్య తీరిపోయిన తర్వాత సంతోషంగా ఉన్నప్పటికీ మరి కొంతమందికి మాత్రం సమస్యలు తీరిపోకుండా ఒకదానిపై మరొకటి సమస్యలు వచ్చి పడుతూ తీవ్రమైనటువంటి ఇబ్బందులను కలిగిస్తూ ఉంటాయి. ఆర్థిక సమస్యల కారణంగా ఎంతో మంది ఎన్నో రకాలుగా ఇబ్బందులను ఎదుర్కొంటూ ఉంటారు అయితే ఇలా తరచు ఆర్థిక సమస్యలు కనుక వెంటాడుతూ ఉంటే ఈ చిన్న పరిహారంతో ఆర్థిక సమస్యలకు పూర్తిగా చెక్ పెట్టవచ్చని నిపుణులు చెబుతున్నారు. మరి ఆర్థిక ఇబ్బందులు తొలగిపోవాలి అంటే ఏం చేయాలి అనే విషయానికి వస్తే…
ఆర్థిక ఇబ్బందులతో సతమతమవుతున్నటువంటి వారు మంగళవారం లేదా శుక్రవారం ఈ పరిహారం చేయడం వల్ల ఆర్థిక సమస్యలు తొలగిపోతాయి. మంగళవారం కానీ శుక్రవారం కానీ తలంటూ స్నానం చేసి పూజ గదిలో ఒక రాగి ప్లేట్ తీసుకొని దానిలోకి బియ్యం పోయాలి ఇలా బియ్యం పోసినటువంటి ప్లేటులో తమలపాకులను పెట్టి దానిపై లక్ష్మీదేవి ప్రతిమను ఉంచాలి. ఇలా లక్ష్మీదేవి ప్రతిమను ఉంచిన తర్వాత పసుపు కుంకుమలతో అమ్మవారికి అర్చన చేయాలి.
ఈ విధంగా అమ్మవారికి అర్చన చేసే సమయంలో లలిత సహస్రనామాలను లేదా అష్టోత్తర మంత్రాలను చదవడం ఎంతో ముఖ్యం. ఇలా పూజ చేసిన తర్వాత మరుసటి రోజు అంటే మంగళవారం చేస్తే బుధవారం శుక్రవారం చేస్తే శనివారం స్నానం చేసి అమ్మవారికి అర్చన చేసిన పసుపు కుంకుమలను పక్కన పెట్టి వాటిని ప్రతిరోజూ మహిళలు నుదుటిపై పెట్టుకోవడం మంచిది అలాగే ఆ బియ్యంతో ఏదైనా తీపి పదార్థం చేసి అమ్మవారికి నైవేద్యంగా సమర్పించడం వల్ల ఆర్థిక ఇబ్బందులు తొలగిపోతాయి. ఇలా చేయటం వల్ల ఏ విధమైనటువంటి సమస్యలు ఉండవని పండితులు చెబుతున్నారు.
