Shani Trayodashi: శనీశ్వరుడు ప్రతి ఒక్కరికి వారు చేసే కర్మల ఆధారంగా వారికి తగ్గ ప్రతిఫలం అందిస్తుంటారు. ఇలా శని ప్రభావ దోషం కనుక మనపై పడింది అంటే ఎన్నో కష్టాలని ఎదుర్కోవాల్సి ఉంటుంది.శనీశ్వరుని ప్రభావం కనుక మనపై ఉంటే ఎన్నో అవంతరాలు ఏర్పడుతూనే ఉంటాయి. ఉద్యోగాలలో ఆటంకాలు ఉద్యోగం ఆలస్యం కావడం ఇంట్లో చికాకులు అనారోగ్య సమస్యలు ఆర్థిక ఇబ్బందులు వంటివి తలెత్తుతూ ఉంటాయి. ఈ విధంగా ఇలాంటి సమస్యలు కనుక ఉన్నాయి అంటే తప్పకుండా శని ప్రభావం వారిపై ఉందని అర్థం.
ఈ విధమైనటువంటి శని ప్రభావ దోషాలతో బాధపడేవారు ఈ దోషాల నుంచే విముక్తి పొందడం కోసం ఎన్నో పరిహారాలు పాటిస్తూ ఉంటారు. అయితే ఈ పరిహారాలను పాటించడానికి శని త్రయోదశి ఎంతో ముఖ్యమైన రోజుగా భావిస్తారు. ఇలా శని త్రయోదశి రోజు శనీశ్వరుడికి ప్రత్యేకంగా పూజ చేయడం వల్ల శని దోష పరిహారం కలుగుతుంది దీంతో ఆర్థిక ఇబ్బందుల నుంచి మనం బయటపడవచ్చు. మరి శని త్రయోదశి రోజు శనీశ్వరుడిని ఎలా పూజించాలి అనే విషయానికి వస్తే…
Shani Trayodashi
శని త్రయోదశి రోజు సూర్యోదయాన్ని కంటే ముందుగా నిద్రలేచి తలంటూ స్నానం చేసి దగ్గరిలో ఉన్నటువంటి శనీశ్వరుని ఆలయానికి వెళ్లి స్వామి వారికి నువ్వుల నూనెతో అభిషేకం చేయాలి. నల్లటి వస్త్రం శనీశ్వరుడికి సమర్పించి నవధాన్యాలతో పుష్పాలతో పూజించాలి. నల్లటి నువ్వులను నల్ల వస్త్రాలను శని త్రయోదశి రోజు దానం చేయటం వల్ల ఈ దోషాలు తొలగిపోతాయి.ఇక శనివారం రోజున మహావిష్ణువు లక్ష్మీదేవి అశ్వర్ధ వృక్షంపై ఉంటారని భావిస్తారు. అందుకే శనీ త్రయోదశి రోజు అశ్వర్థ వృక్షాన్ని పూజించడం ఎంతో శుభసూచికం. ఉపవాస దీక్షతో శని త్రయోదశి రోజు అశ్వర్థ వృక్షం చుట్టూ ప్రదక్షణలు చేయడం వల్ల సకల పాపాలు తొలగిపోతాయని పండితులు చెబుతున్నారు.
