Samantha Ruth Prabhu : అమెరికాలో సమంత అరుపులే..నల్ల చీరలో అందాల అరబోత

Samantha Ruth Prabhu : సమంత రూత్ ప్రభు ఈ మధ్యనే నటనకు ఏడాది పాటు విరామం ఇస్తున్నట్లు ప్రకటించింది . తన చేతిలో ఉన్న సిటాడెల్ ఖుషి ప్రాజెక్ట్స్ ను పూర్తి చేసిన సామ్ ఫ్రీ బర్డ్ అయిపోయింది. ఈ మధ్యనే ఖుషి మ్యూజిక్ కన్సర్ట్ లో డాన్స్ తో దుమ్ము దులిపింది ఈ బ్యూటీ. అంతకు ముందు ఖాళీ సమయాన్ని సద్గురు ఆశ్రమంలో కాస్త ఆధ్యాత్మికంగా గడిపింది. బాలిలో స్పెండ్ చేసింది. తాజాగా అమెరికాలో రచ్చ రచ్చ చేస్తోంది ఈ క్యూటీ.

ఇటీవల న్యూ యార్క్‌లో జరిగిన 41వ ఇండియా డే పరేడ్‌కు సమంత హాజరైంది. ప్రస్తుతం న్యూ యార్క్‌లో సందడి చేస్తున్న ఈ చిన్నది తాజాగా డిజైనర్ అర్పితా మెహతా ఫ్యాషన్ లేబుల్ షెల్ఫ్‌ల నుండి అందమైన నలుపు రంగు చీరను ఎంపిక చేసుకుని ధరించింది. ఆరు గజాల చీరలో సమంత లుక్‌కి సంబంధించిన చిత్రాలు సోషల్ మీడియాలో వైరల్ అవుతున్నాయి.

బ్లాక్ హార్ట్ ఎమోజీతో సమంత తన ఫోటోలను ఇన్‌స్టాగ్రామ్‌లో షేర్ చేసింది. డిజైనర్ అర్పితా మెహతా యొక్క అధికారిక పేజీ కూడా ఆమె ఫోటోలను పోస్ట్ చేసింది, “న్యూయార్క్‌లో జరిగిన 41వ ఇండియా డే పరేడ్‌లో మా బ్లాక్ మల్టీ-థ్రెడ్ హ్యాండ్-ఎంబ్రాయిడరీ చీరలో @samantharuthprabhuoffl చాలా అందంగా ఉంది” అంటూ మెన్షన్ చేసింది.

సెలబ్రిటీ స్టైలిస్ట్‌లు సెల్వి తంగరాజ్ పల్లవి సింగ్ సమంతను స్టైల్ చేశారు. నలుపు చేతితో ఎంబ్రాయిడరీ చేసిన నెట్ చీరలో వజ్రాల ఆకారంలో ఉన్న రత్నాల అలంకారాలు, సీక్విన్ వర్క్ ఉన్నాయి. చివరగా, బంగారు, గులాబీ, ఆకుపచ్చ నారింజ రంగులలో మల్టీ-థ్రెడ్ పూల ఎంబ్రాయిడరీ చీరకు అందాన్ని అద్దాయి.

అర్పితా మెహతా లేబుల్ నుండి భారీగా అలంకరించబడిన స్లీవ్‌లెస్ బ్లౌజ్‌ సమంతా చీరకు సరిపోయింది. నల్లని బేస్‌పై చేతితో ఎంబ్రాయిడరీ చేసిన బంగారు థ్రెడ్‌వర్క్, అద్దాల అలంకారాలు, స్కాలోప్డ్ బార్డర్‌లు, అమర్చిన బస్ట్, తో బ్లౌజ్ డిజైన్ చేశారు.

ఉంగరాలు, బ్రాస్‌లెట్, ముత్యాలతో అలంకరించబడిన డాంగ్లింగ్ జుమ్కీలు, లేతరంగు గల సన్ గ్లాసెస్ హై హీల్స్‌తో సహా స్టేట్‌మెంట్ మేకింగ్ ఆభరణాలతో సమంత తన ఎథ్నిక్ లుక్‌ను యాక్సెసరైజ్ చేసింది.

సమంతా చీర అర్పితా మెహతా వెబ్‌సైట్‌లో అందుబాటులో ఉంది. చీరను ‘బ్లాక్ మల్టీ-థ్రెడ్ హ్యాండ్ ఎంబ్రాయిడరీ శారీ సెట్’ అని పిలుస్తారు. ఇదిదీని ధర రూ. 1.38లక్షలు ఉంటుంది.