Rakshitshetty-Rashmika : నేషనల్ క్రష్ నటి రష్మిక ఫేక్ వీడియో నెట్టింట్లో ఎంత రచ్చ రచ్చ చేసిందో అందరికీ తెలిసిందే. ఈ మార్ఫింగ్ వీడియో ఒక్కసారిగా ఇంటర్నెట్ ను షేక్ చేసింది. ఫ్యాన్స్ కు ఆశ్చర్యాన్ని కలిగించింది. దీంతో చాలామంది నెటిజన్స్ రష్మికకు సపోర్ట్ గా నిలిచారు. టాలీవుడ్ బాలీవుడ్ బాలీవుడ్ సెలబ్రిటీలు కూడా ఈ విషయంపై స్పందించారు. ఇలాంటి టెక్నాలజీ భవిష్యత్తు తరాలకు మరింత భయాన్ని కలిగించేదిలా ఉందని సినీ సెలబ్రిటీలు ఆందోళన కూడా వ్యక్తం చేశారు.
ఓ లిఫ్ట్ లో వెళ్తున్న అమ్మాయి మొహాన్ని రష్మిక ఫేస్ తో మార్ఫ్ చేసి అది రష్మికనే అని నమ్మించే ప్రయత్నం చేశాడు ఓ ఆకతాయి.కొన్ని గంటల్లోనే ఈ వీడియో నెట్టింట్లో వైరల్ గా మారిపోయింది. బాలీవుడ్ బిగ్ బీ అమితాబ్ బచ్చన్ తో పాటు టాలీవుడ్ హీరో నాగచైతన్య వరకు అందరూ కూడా ఈ విషయం పై సీరియస్ అయ్యారు. రౌడీ బాయ్ విజయ్ దేవరకొండ కూడా ఇలాంటి వీడియో లపై చర్యలు తీసుకోవాలి అని స్పెషల్ టీమ్ ను ఏర్పాటు చేయాలని కోరాడు.
అయితే తాజాగా రష్మిక మందన్న మాజీ లవర్ రక్షిత్ శెట్టి కూడా ఈ వీడియో పై రియాక్ట్ అయ్యాడు. ప్రస్తుతం ఈ హీరో తన నెక్స్ట్ ప్రాజెక్ట్ సప్త సాగరాలు దాటి సైడ్ బి ప్రమోషన్స్ లో భాగంగా రష్మిక వీడియో పై తన అభిప్రాయాన్ని తెలిపాడు. రష్మిక తన కెరీర్ కోసం ఎన్నో కలలు కట్టుకంటోంది . ఇలాంటి ఫేక్ వీడియోలతో సెలబ్రిటీలకే కాదు అందరికి ఇబ్బందే అన్నాడు. ఇలాంటి వాటిపై గవర్నమెంట్ ప్రత్యేకంగా చర్యలు తీసుకోవాలని కోరాడు.
ఫ్యూచర్ లో ఇలాంటి మిస్టేక్ జరగకుండా కొన్ని జాగ్రత్తలు తీసుకోవాలన్నాడు. ఎలాంటి సాఫ్ట్ వెర్ క్రియేట్ అయినప్పటికీ దానికి ఒక లైసెన్స్ కంపల్సరీ ఉండాలన్నాడు. అలాంటి కఠినమైన రూల్ వచ్చినప్పుడు మాత్రమే ఇలాంటి వాటిని అపవచ్చు అన్నారు. ఈ రోజుల్లో చాలామంది ఇలాంటి సాఫ్ట్ వెర్స్ ఉపయోగిస్తున్నారని సీరియస్ యాక్షన్ తీసుకోవాలని ఇంటర్వ్యూ లో పేర్కొన్నాడు.
