Pushpa 2 : సూసేకి అగ్గిరవ్వే..రచ్చ రచ్చ చేస్తున్న రష్మిక పాట

Pushpa 2 : ఐకాన్ స్టార్, జాతీయ అవార్డు విజేత అల్లు అర్జున్ నటించిన పుష్ప 2 సినిమా కోసం దేశమంతా ఎంతో ఆసక్తిగా ఎదురుచూస్తుంది. సినిమా రిలీజ్ దగ్గర పడుతుండటంతో సుకుమార్ ప్రమోషన్లతో ఫ్యాన్స్ ను పరేషాన్ చేస్తున్నాడు. రీసెంట్ గా పుష్ప2 నుంచి ఓ గ్లింప్స్, ఓ సాంగ్ ఒదిలా అభిమానుల్లో, సినీ ప్రియుల్లో అంచనాలను భారీగా పెంచేశాడు. అల్లు అర్జున్ సాంగ్ పుష్ప పుష్ప సోషల్ మీడియాలో సెన్సేషన్ అయ్యింది. ఫ్యాన్స్ పూనకాలతో ఓ రేంజ్ లో ఊగిపోయారు. ఇక ఈ పాట స్టెప్ కూడా నెట్టింట్లో బాగా వైరల్ అయింది. ఈ క్రమంలోనే తాజాగా సెకండ్ సింగల్ వీడియోను మేకర్స్ రిలీజ్ చేశారు. ‘సూసేకి అగ్గిరవ్వ మాదిరి ఉంటాడే నా సామి’ అనే కపుల్ సాంగ్ విడుదలైంది. లిరిక్స్​కు స్టైలిష్ కాస్ట్యూమ్​లో అల్లు అర్జున్ తో కలిసి శ్రీవల్లి స్టెప్పులేసి అదరగొట్టింది. ఈ పాటతో రష్మిక తన అభిమానులకు అదిరిపోయే ట్రీట్ ఇచ్చినట్లైంది.ఈ కపుల్ సాంగ్ రిలీజైన కాసేపట్లోనే ట్రేండింగ్ లో నిలిచింది.

తెలంగాణ ఫేమస్ రైటర్,ఆస్కార్ అవార్డ్ విన్నర్​ చంద్రబోస్ సూసేకి అగ్గిరవ్వే పాటకు లిరిక్స్ అందించారు. ఇక ఈ పాటను బాలీవుడ్ టాప్ సింగర్ శ్రేయా ఘోషల్ అద్భుతంగా పాడింది. ‘తగ్గేదేలే’ అనే మేనరిజంతో వెస్ట్రన్ అవుట్ ఫిట్స్ లో సింపుల్ స్టేప్స్​తో బన్ని, రష్మిక ఈ పాటకు డ్యాన్స్​ ఇరగదీశారు. ఫస్ట్ షార్ట్ లో రష్మికను డీగ్లామర్​గా చూపించినా ఈపాటలో స్టైలిష్​లుక్​లో కనిపించింది. పాట్ రిలీజైన గంటలోపే 5 లక్ష్యల వ్యూస్ దాటి రేసు గుర్రంలా దూసుకెళ్తోంది.

పుష్ప సినిమాకు అదిరిపోయే మ్యూజిక్ అందించి రికార్డ్ క్రియేట్ చేసిన రాక్​స్టార్ దేవీ శ్రీ ప్రసాదే పుష్ప2కు సంగీతం అందిస్తున్నాడు. ఈ మూవీలో బన్నీకి జోడీగా రష్మిక నటిస్తోంది. మలయాళ స్టార్ హీరో ఫహాద్ ఫాజిల్​, సునీల్, అనసూయలు కీలక పాత్రల్లో కనిపించనున్నారు. పుష్పలో ఉన్నట్లే ఈ మూవీలోనూ స్పెషల్ సాంగ్ ఉంటుందని సమాచారం. ఆ సాంగ్ కోసం బాలీవుడ్ బ్యూటీ తృప్రి దిమ్రి ని దింపేందుకు మేకర్స్ ప్లాన్ చేస్తున్నట్లు టాక్ వినిపిస్తోంది. కానీ, దీనిపై మేకర్స్ నుంచి ఎలాంటి క్లారిటీ రాలేదు. ఇక ప్రపంచ వ్యాప్తంగా ఆగస్ట్ 15న పుష్ప2 రిలీజ్ కానుంది. ఈ మూవీ కచ్చితంగా రూ.1000 కోట్లకు పైగానే వసూలు చేస్తుందని టాక్.