Nayanthara: నయనతార పేరు సినీ ఇండస్ట్రీలోకి అడుగుపెట్టిన ప్రతిసారీ సంచలనాలకు చిరునామాగా మారింది. ఆమె ప్రయాణం సులభమైనది కాదు. కేరళలోని ఓ మారుమూల గ్రామం నుంచి వచ్చిన ఈమె, నటనపై ఉన్న ఆసక్తితో పలు అవమానాలు, అడ్డంకులు ఎదుర్కొంటూ టాప్ హీరోయిన్‌గా ఎదిగారు. తొలి సినిమాగా తమిళంలో ‘అయ్యా’లో కథానాయికగా నటించిన ఆమె, మొదటి సినిమాతోనే మంచి విజయాన్ని అందుకున్నారు. ఆ తర్వాత రజనీకాంత్‌ సరసన ‘చంద్రముఖి’ చిత్రంలో నటించి భారీ హిట్‌ సాధించారు. అప్పటి నుంచి ఆమె తమిళం, తెలుగు, మలయాళం, కన్నడం, హిందీ భాషల్లో నటిస్తూ పాన్ ఇండియా స్టార్‌గా మారిపోయారు.

నయనతార కెరీర్‌లో ప్రతి ఘట్టం కూడా ప్రత్యేకమే. ప్రేమ విషయంలో, పెళ్లి వ్యవహారంలో, సరోగసి ద్వారా పిల్లలని పొందిన విషయంలో, అలాగే నిర్మాతగా మారడంలో కూడా ఆమె నిర్ణయాలు ఎప్పుడూ చర్చనీయాంశాలుగా మారాయి. విమర్శల్ని ఎదుర్కొంటూ, తన స్థాయిని నిరూపించుకుంటూ ముందుకు సాగారు. ఆమె ప్రస్తుతం కూడా స్టార్ హీరోల సరసన నటిస్తూ బిజీగా ఉన్నారు. తాజా సమాచారం ప్రకారం, నయనతార సినిమాలకు సుమారు రూ.10 కోట్ల వరకూ పారితోషికం తీసుకుంటున్నారని ఇండస్ట్రీ వర్గాలు చెబుతున్నాయి.

Nayanthara: 50 సెకన్ల వాణిజ్య ప్రకటనలో నటించేందుకు నయనతార ఏకంగా రూ.5 కోట్లు

అందుకు తగ్గట్టుగానే, ఇటీవల ఒక 50 సెకన్ల వాణిజ్య ప్రకటనలో నటించేందుకు నయనతార ఏకంగా రూ.5 కోట్లు రెమ్యునరేషన్ తీసుకున్నారని వార్తలు వైరల్ అవుతున్నాయి. ఇది ఒక సెకన్‌కు రూ.10 లక్షల చొప్పున అన్నమాట. టాటా స్కై కోసం చేసిన ఈ వాణిజ్య ప్రకటన ప్రస్తుతం సోషల్ మీడియాలో హాట్ టాపిక్‌గా మారింది. ఈ సమాచారం నిజమైతే, నయనతారకు ఉన్న మార్కెట్ డిమాండ్ ఏ స్థాయిలో ఉందో చెప్పనక్కర్లేదు.

ఇది కేవలం ఆమె గ్లామర్ వల్ల వచ్చిన ఫలితం కాదు. ఆమె సుదీర్ఘంగా నిలబడిన కెరీర్‌, సినీ పరిశ్రమలో సంపాదించుకున్న పేరు, అభిమానుల ఆదరణ.. ఇవన్నీ కలిసి ఆమెను ఈ స్థాయికి తీసుకొచ్చాయి. నయనతార రెమ్యునరేషన్ కేవలం డబ్బు విషయం మాత్రమే కాదు, అది ఆమె బ్రాండ్ వాల్యూకి నిదర్శనం కూడా.