Natural Star Nani : నేచురల్ స్టార్ నాని నటించిన మూవీ హాయ్ నాన్న. మృణాల్ ఠాకూర్ చేస్తున్న రెండో సినిమా ఇది. ఈ సినిమాను శౌర్యు డైరెక్ట్ చేశాడు. మూవీ నుంచి ఇప్పటికే విడుదలైన సాంగ్స్ ప్రేక్షకులను అల్లరిస్తున్నాయి. ఈ మూవీ టీజర్ కు మంచి రెస్పాన్స్ వచ్చింది. ప్రేక్షకుల్లో ఆసక్తిని పెంచుతోంది. డిసెంబర్ 7న ప్రేక్షకుల ముందుకు రాబోతోంది. కానీ ఎందుకో కానీ నాని దసరా మూవీకి వచ్చినంత క్రేజ్ ఈ మూవీకి కనిపించడం లేదు. దీంతో మూవీ ప్రమోషన్ల బాధ్యతను నాని తన భుజాన వేసుకున్నాడు. తన సినిమా ప్రమోషన్స్ కోసం నాని పాలిటిక్స్ ను కూడా వాడుకుంటున్నాడు. ప్రేక్షకులను కొత్తగా ఆకట్టుకునే ప్రయత్నాలను చేస్తున్నాడు.
హాయ్ నాన్న ప్రమోషన్స్ కోసం నాని తాజాగా ఇప్పటివరకు ఏ హీరో చేయని ప్రయోగాన్ని చేశాడని చెప్పాలి. తెలంగాణ సీఎం కేసీఆర్ ప్రెస్ మీట్ ను ఇమిటేట్ చేస్తూ నాని ఓ వీడియో ని షూట్ చేశాడు. ఇది నాని చేయాల్సిన వీడియో కాకపోయినప్పటికీ మూవీ ప్రమోషన్స్ కోసం చేయాల్సి వచ్చింది. అటు మృణాల్ ఠాకూర్ కూడా ప్రమోషన్స్ కు దూరంగా ఉండటంతో నాని ఇక రంగంలోకి దిగాడు. దసరా మూవీ తర్వాత నాని చేస్తున్న మూవీ ఇది. అయితే సాంగ్స్ టీజర్స్ ని బట్టి సినిమా థీమ్ ఇప్పటికే చాలామందికి అర్థమైంది. అందుకే నాని సినిమాకు మినిమం బజ్ తీసుకురావడానికి ఇలాంటి ప్రయత్నాలు చేస్తున్నాడు అని చెప్పాలి.
నాని మూవీ రిలీజ్ అయిన నెక్స్ట్ డే నే డిసెంబర్ 8న నితిన్ ఎక్స్ ట్రా.. ఆర్డినరీ మేన్ తో పాటు వరుణ్ తేజ్ ఆపరేషన్ వాలైంటైన్ సినిమాలు వరుసగా రిలీజ్ కాబోతున్నాయి. నితిన్ మూవీ కాస్త ఫర్వాలేదు అనిపించుకుంటున్నా . ఆపరేషన్ వాలైంటైన్ ప్రమోషన్స్ ఇంకా స్టార్ట్ కాలేదు. ఈ క్రమంలో నాని హాయ్ నాన్నకు మాత్రం అనుకున్నంత హైప్ రావడం లేదు. మరి సినిమా ట్రైలర్ తర్వాతైనా కాస్త నానికి క్రేజ్ వస్తుందేమో వెయిట్ చేసి చూడాల్సింది.
