Janhvi Kapoor: ఎన్టీఆర్ హీరోగా కొరటాల శివ దర్శకత్వంలో ప్రస్తుతం సినిమా రెడీ అవుతున్న సంగతి తెలిసిందే. ఈ మూవీ షూటింగ్ మార్చి ఆఖరు నుంచి ప్రారంభం అవుతుంది. భారీ బడ్జెట్ తో పాన్ ఇండియా రేంజ్ లో తెరకెక్కబోయే ఈ సినిమాకి సంబందించిన ప్రీప్రొడక్షన్ వర్క్ ప్రస్తుతం జరుగుతుంది. మరో వైపు ఈ మూవీ క్యాస్టింగ్ పైన కూడా కొరటాల శివ వర్క్ చేస్తున్నారు. ఇక పాన్ ఇండియా అప్పీల్ ఉండే విధంగా అన్ని భాషల నుంచి ఈ సినిమా కోసం నటీనటులని ఎంపిక చేస్తున్నారు.
అందులో భ్గాగంగా బాలీవుడ్ నుంచి ఈ మూవీకి ప్రతినాయకుడిగా సైఫ్ అలీఖాన్ ని తీసుకునే ప్రయత్నం జరుగుతుందని తెలుస్తుంది. అతను కూడా కన్ఫర్మ్ చేసినట్లుగా టాక్ వినిపిస్తుంది. అలాగే ఈ మూవీకి హీరోయిన్ గా జాన్వీ కపూర్ పేరు చాలా రోజుల నుంచి వినిపిస్తుంది. ఇక తాజాగా ఆమెని హీరోయిన్ గా ఖరారు చేసినట్లు తెలుస్తుంది. తెలుగులోకి గ్రాండ్ ఎంట్రీ ఇవ్వడానికి ఈ మూవీ సరైనది అని ఆమె భావించి ఒప్పుకున్నట్లుగా సమాచారం.
ఈ నెలలో జరగబోయే మూవీ ఓపెనింగ్ రోజున జాన్వీ కపూర్ ని అఫీషియల్ గా ఎనౌన్స్ చేయనున్నట్లు తెలుస్తుంది. అలాగే మలయాళం, తమిళ్ నుంచి కూడా కీలక నటులని ఎంపిక చేస్తున్నారని సమాచారం. పాన్ ఇండియా మూవీ కాబట్టి కచ్చితంగా పాన్ ఇండియా క్యాస్టింగ్ మూవీలో ఉండనున్నట్లు టాక్.
ఫిక్షనల్ కాన్సెప్ట్ తో తెరకెక్కుతున్న సినిమా కావడంతో వీలైనంతగా కొత్త లుక్ ని తీసుకురావడం కోసం క్యాస్టింగ్ విషయంలో కొరటాల గట్టిగా కసరత్తు చేస్తున్నారని తెలుస్తుంది. ఆర్ఆర్ఆర్ సినిమా ఎఫెక్ట్ ఈ మూవీ మీద పడకుండా ఉండటం కోసం తారక్ ఏకంగా ఏడాది గ్యాప్ తీసుకొని ఆ మూవీ బజ్ అంతా అయిపోయాక తెరకెక్కిస్తూ ఉండటం విశేషం.
