Fighter: బాలీవుడ్ స్టార్స్ హృతిక్ రోషన్, దీపికా పదుకొణె జంటగా నటిస్తున్న తాజా చిత్రం ఫైటర్. సిద్ధార్థ్ ఆనంద్ దర్శకత్వం వహిస్తున్న ఈ చిత్రం రిపబ్లిక్ డే కానుకగా జనవరి 25న భారీ స్థాయిలో ప్రేక్షకుల ముందుకు రానుంది. సిద్ధార్థ్ ఆనంద్ నుంచి ఇంతకముందు వచ్చిన పఠాన్, వార్ చిత్రాలు భారీ విజయాలను అందుకోవడంతో ఈ మూవీపై అంచనాలు ఆకాశాన్ని తాకుతున్నాయి.
ఇక ఇప్పటికే “ఫైటర్” సినిమా నుంచి రిలీజైన టీజర్ తో పాటు ఫస్ట్ సింగిల్ , సెకండ్ సాంగ్ కు నార్త్ అండ్ సౌత్ ఆడియన్స్ నుంచి సూపర్ రెస్పాన్స్ వచ్చింది. ఈ క్రమంలో తాజాగా ‘హీర్ ఆస్మాని’ అంటూ సాగే మరో సాంగ్ ను మేకర్స్ విడుదల చేశారు. ప్రస్తుతం ఈ పాట సోషల్ మీడియాలో వైరల్ అయ్యింది. సాంగ్ లో హృతిక్ రోషన్, దీపికా పదుకొణె డాన్స్ మూమెంట్స్ కు ఫ్యాన్స్ ఫిదా అవుతున్నారు.
![Fighter: "ఫైటర్" నుండి "హీర్ ఆస్మాని" సాంగ్ విడుదల.. fighter-heer-asmani-song-released](http://natelugu.com/wp-content/uploads/2024/01/h1.gif)
Fighter: ఈ సాంగ్లో హృతిక్ రోషన్ డ్యాన్స్ స్టెప్పులు అదిరిపోయాయని నెటిజన్లు అంటున్నారు.
ఎయిర్ ఫోర్స్ పైలెట్ లుక్ లో హృతిక్ రోషన్ లుక్స్ వావ్ అనిపించేలా ఉన్నాయి.. అంటూ సోషల్ మీడియాలో ఫ్యాన్స్ మూవీ లవర్స్ కామెంట్స్ పెడుతున్నారు.
ఇక ఈ సాంగ్లో హృతిక్ రోషన్ డ్యాన్స్ స్టెప్పులు అదిరిపోయాయని నెటిజన్లు అంటున్నారు. హృతిక్ ఫిజిక్కు ఫిదా అయ్యామని చెబుతున్నారు. ఈ సాంగ్ హృతిక్ పాటల్లో వన్ ది బెస్ట్ అవ్వనుందని అంటున్నారు.
కాగా, “ఫైటర్” సినిమాను వయాకామ్ 18 స్టూడియోస్, మార్ ఫ్లిక్స్ పిక్చర్స్ సంస్థలపై మమతా ఆనంద్, రామన్ చిబ్, అంకు పాండే నిర్మిస్తున్నారు. ఈ సినిమాలో హృతిక్ రోషన్ స్క్వాడ్రన్ లీడర్ షంషేర్ పఠానియా (పాటీ)గా కనిపించనుండగా.. స్క్వాడ్రన్ లీడర్ మిన్నిగా (దీపికా పదుకొనే)గా కనిపించనున్నారు. గ్రూప్ కెప్టెన్ రాకేష్ జై సింగ్ పాత్రలో అనిల్ కపూర్ సందడి చేయనున్నారు. అక్షయ్ ఒబెరాయ్, సంజీదా షేక్ తదితరులు ఈ సినిమాలో కీలక పాత్రలు పోషిస్తున్నారు.