Balakrishna: రాజకీయాల సంగతి ఏమోగానీ ఈ మధ్యకాలంలో బాలకృష్ణ ఏం మాట్లాడినా కూడా దానిని వైసీపీ సోషల్ మీడియా వివాదంగా మార్చే ప్రయత్నం చేస్తుంది. జనవరి నెలలో బాలకృష్ణ హీరోగా ప్రేక్షకుల ముందుకు వచ్చిన వీర సింహారెడ్డి సినిమాలో ఒక కులాన్ని కించపరిచే విధంగా సంభాషణలు ఉన్నాయంటూ తీసుకొచ్చారు. దానిపై కొద్ది రోజులు చాలా హడావిడి చేశారు. అయితే ఆ అంశంపై బాలకృష్ణ స్పందించి కించపరిచే విధంగా సంభాషణలు ఉంటే క్షమించాలని కోరారు. దీంతో ఆ వివాదం ముగిసింది. అయితే తాజాగా అన్ స్టాపబుల్ సీజన్ 2 లో పవన్ కళ్యాణ్ ఎపిసోడ్లో బాలకృష్ణ సందర్భోచితంగా తనకు రోడ్డు ప్రమాదం జరిగిందని ఆ సమయంలో ఓ హాస్పిటల్ లో ట్రీట్మెంట్ తీసుకున్నాను అక్కడే ఉన్న నర్స్ తనకి ప్రమాదం జరిగిన విషయం చెప్పిందని చెప్పారు.
అయితే ఆ నర్సుని ఉద్దేశించి చాలా అందంగా ఉంది అంటూ కామెంట్ చేశారు. అయితే ఇప్పుడు ఈ అంశాన్ని వివాదంగా మార్చి నర్సులను ఉద్దేశించి బాలకృష్ణ తప్పుగా మాట్లాడారని సోషల్ మీడియాలో గత రెండు రోజులుగా వైసిపి సోషల్ మీడియా టీం రచ్చ చేస్తుంది. ఇక కొంతమంది నర్సుల అసోసియేషన్ అనుకుంటూ ముందుకు వచ్చి బాలకృష్ణకు క్షమాపణలు చెప్పాలని డిమాండ్ చేస్తూ వీడియోలు విడుదల చేస్తున్నారు. ఈ నేపథ్యంలో ఉన్న తాజాగా బాలకృష్ణ ఈ అంశంపై ఫేస్ బుక్ లో పోస్ట్ పెట్టారు. తన మాటలను వక్రీకరించి ఒక వర్గం మీడియా కావాలనే దుష్ప్రచారం చేసిందని బాలకృష్ణ పేర్కొన్నారు.
రోగులకు సేవలు అందించే నర్సులను సోదరి సమానులుగా చూస్తానని, వారిపై తర్కి చాలా గౌరవం ఉందని బాలకృష్ణ పేర్కొన్నారు. బసవతారకం క్యాన్సర్ హాస్పిటల్లో నర్సులు చేస్తున్న సేవలను ప్రత్యక్షంగా చూసినవాడిగా వారి మీద తనకే ఎంతో గౌరవం, కృతజ్ఞత భావం ఉందని బాలకృష్ణ పేర్కొన్నారు.బి కరోనా కష్టకాలంలో కూడా నర్సులు రాత్రి పగలు అనకుండా సేవలు చేశారని కొనియాడారు. తన మాటలు ఎవరినైనా నొప్పించి ఉంటే క్షమించాలని ఈ పోస్ట్ లో పేర్కొన్నారు. దీంతో నర్సుల వివాదానికి బాలకృష్ణ పుల్ స్టాప్ పెట్టినట్లు అయింది.
