Anikha Surendran: చైల్డ్ యాక్టర్ గా కెరియర్ స్టార్ట్ చేసిన బుట్టబొమ్మ సినిమాతో టాలీవుడ్ లో హీరోయిన్ గా ఎంట్రీ ఇచ్చిన అందాల భామ అనిఖా సురెంద్రన్. ఈ ముద్దుగుమ్మ చైల్డ్ యాక్టర్ గా ఎంత మెప్పించిందో మొదటి సినిమాలో కూడా హీరోయిన్ గా కూడా అదే స్థాయిలో పెర్ఫార్మెన్స్ తో మెప్పించింది. అయితే సినిమాలో ప్రేక్షకులు కనెక్ట్ అయ్యేంత దమ్ము లేకపోవడంతో ఆశించిన స్థాయిలో విజయం దక్కలేదు. ఇదిలా ఉంటే ఇప్పుడు మలయాళంలో మరో సినిమాలో ఈ యంగ్ బ్యూటీ నటిస్తుంది. ఆ సినిమాలో ఏకంగా హీరోతో రొమాంటిక్ సన్నివేశాలు కూడా చేసేసి షాక్ ఇచ్చింది.
ఇదిలా ఉంటే ఇప్పుడు ఈ అమ్మడుకి తెలుగులో మరో క్రేజీ ఆఫర్ వచ్చినట్లు తెలుస్తుంది. యంగ్ రెబల్ స్టార్ ప్రభాస్ హీరోగా మారుతి దర్శకత్వంలో రాజా డీలాక్స్ మూవీ తెరకెక్కుతున్న సంగతి తెలిసిందే. ఈ సినిమాని పాన్ ఇండియా రేంజ్ లో తెరకెక్కిస్తున్నారు. ఇదిలా ఉంటే ఈ సినిమాలో ఇప్పటికే ముగ్గురు హీరోయిన్స్ గా మాళవిక మోహనన్, నిధి అగర్వాల్, అషికా రంగనాథ్ ఖరారు అయిపోయారు. అయితే ఇప్పుడు ఈ సినిమాలో అనిఖా సురెంద్రన్ కూడా భాగం అవుతున్నట్లు తెలుస్తుంది.
అయితే ఆమె చేసేది హీరోయిన్ పాత్ర మాత్ర కాదు. ప్రభాస్ చెల్లి పాత్రలో ఈ సినిమాలో అనిఖా కనిపించబోతున్నట్లు తెలుస్తుంది. అయితే ఈ పాత్రకి సినిమాలో మంచి ప్రాధాన్యత ఉంటుందని టాక్. ఈ కారణంగానే అనిఖాని కొత్త పేస్ కోసం ఈ మూవీకి ఎంపిక చేసినట్లుగా టాక్ వినిపిస్తుంది. ఏది ఏమైనా పాన్ ఇండియా సినిమాలో అనిఖా ఇప్పుడు అవకాశం సొంతం చేసుకోవడం నిజంగా ఆసక్తికర విషయం అని చెప్పాలి. అయితే చెల్లి పాత్రలో నటిస్తూ ఉండటం వలన కెరియర్ పరంగా ఆమెకి ఎంత హెల్ప్ అవుతుంది అనేది చెప్పలేం.
