Vastu Tips: శంకు పుష్పం మొక్క ఈ దిశలో ఉంటే చాలు శని దోషాలు మాయమైనట్లే?

Vastu Tips: వాస్తు శాస్త్రం ప్రకారం మనం ఎన్నో రకాల పువ్వులను మొక్కలను అలాగే జంతువులను శుభప్రదమైనవిగా భావిస్తూ ఉంటాము. అయితే వాస్తు ప్రకారం ఈ మొక్కలు నాటేటప్పుడు సరైన దిశలో నాటడం వల్ల ఎన్నో శుభ ఫలితాలను పొందవచ్చు. ఇలా మనం ఎన్నో ఆధ్యాత్మిక మొక్కలను ఇంటి ఆవరణంలో పెంచుతూ ఉంటాము అయితే లక్ష్మీదేవి విఘ్నేశ్వరుడు కుబేరులకు ప్రతీకగా ఉన్నటువంటి మొక్కలలో అపరాజిత పుష్పం ఒకటి. దీనినే శంకు పుష్పాలు అని కూడా పిలుస్తారు.

ఈ మొక్క మన ఇంటి ఆవరణంలో గనక ఉంటే సాక్షాత్తు ఆ లక్ష్మీ కుబేరుల అనుగ్రహం మనపై ఉన్నట్లేనని భావిస్తారు. అంతేకాకుండా శనీశ్వరుడికి ఈ పుష్పాలతో పూజ చేస్తే శని దోషాలు కూడా తొలగిపోతాయని పండితులు చెబుతున్నారు. ఇలాంటి ఎంతో శుభప్రదమైనటువంటి ఈ మొక్కను మన ఇంటి ఆవరణంలో పెంచేటప్పుడు కాస్త జాగ్రత్తలు తీసుకొని పెంచడం మంచిదని పండితులు చెబుతున్నారు.

ముఖ్యంగా ఈ మొక్కను మనం ఇంట్లో నాటేటప్పుడు సరైన దిశలో నాటడం ఎంతో ముఖ్యం. ఈ అపరాజిత మొక్కను లక్ష్మి గణేష్ కుబేరుల స్థానమైనటువంటి తూర్పు ఉత్తరం లేదా ఈశాన్య దిశలలో నాటడం వల్ల అనుకూల ఫలితాలను పొందవచ్చు. గురువారం లేదా శుక్రవారం ఈ మొక్కను ఇంటి ఆవరణంలో నాటడం ఎంతో మంచిది. ఇక ఇంటి ఆవరణంలో స్థలం లేనటువంటి వారు ప్రధాన ద్వారం కుడివైపు ఈ మొక్కను ఒక కుంపటిలో పెట్టుకోవడం కూడా శుభప్రదం అని పండితులు చెబుతున్నారు. ఈ పుష్పాలతో శనీశ్వరునికి పూజ చేస్తే కనుక మనపై ఉన్నటువంటి శని దోషాలు తొలగిపోతాయి అలాగే లక్ష్మీదేవిని పూజించడంతో ఆర్థిక ఇబ్బందులు తొలగిపోతాయని పండితులు చెబుతున్నారు.