Mega 158: మెగాస్టార్ నటిస్తున్న లేటెస్ట్ మూవీ మెగా 158 వర్కింగ్ టైటిల్‌తో తెరకెక్కుతోంది. గతంలో చిరుకి వాల్తేరు వీరయ్య లాంటి కమర్షియల్ హిట్ ఇచ్చిన దర్శకుడు బాబీ, ఈ మూవీని ఎంతో ప్రతిష్ఠాత్మకంగా తెరకెక్కిస్తున్నాడు. అధికారికంగా ప్రకటించనప్పటికీ, ఇందులో మెగాస్టార్‌కి జంటగా నేషనల్ అవార్డ్ విన్నింగ్ యాక్ట్రస్ ప్రియమణి నటిస్తుందని తెలుస్తోంది. అలాగే, కూతురు పాత్రలో మలయాళ యంగ్ బ్యూటీ అనస్వర రాజన్ కనిపించనుందట.

ఇదే, క్రమంలో మరో క్రేజీ న్యూస్ మెగా 158కి సంబందించి ప్రస్తుతం సోషల్ మీడియాలో వైరల్ అవుతోంది. నటుడు, నిర్మాత.. పవర్ స్టార్ పవన్ కళ్యాణ్ భక్తుడు బండ్ల గణేష్ ఈ మూవీలో కీలక పాత్రలో కనిపించనున్నట్టుగా ఈ వార్త సారాంశం. గత కొన్ని రోజులుగా పవన్ కళ్యాణ్ నటించబోయో కొత్త సినిమాలో బండ్ల గణేష్ కీలక పాత్రను చేయనున్నాడని ప్రచారం అవుతోంది. ఆ విషయంలో ఎలాంటి అప్‌డేట్ రానప్పటికీ, ఇప్పుడు మెగా 158లో ఛాన్స్ అందుకున్నట్టుగా లేటెస్ట్ న్యూస్.

Mega 158: మెగాస్టార్ తో స్క్రీన్ షేర్ చేసుకునే ఛాన్స్ బండ్లకి రావడం గొప్ప విషయమే.

గతంలో బండ్ల గణేష్ నిర్మాతగా పవన్ కళ్యాణ్ హీరోగా గబ్బర్ సింగ్, తీన్‌మార్ సినిమాలను నిర్మించాడు. మెగా పవర్ స్టార్ రామ్ చరణ్‌తో గోవిందుడు అందరివాడేలే సినిమాను నిర్మించాడు. ఆ రకంగా మెగా ఫ్యామిలీ అంటే ప్రత్యేకమైన అభిమానం ఉంది. ఇక, చిరంజీవి అంటే చెప్పడానికి మాటలే కరువు. కేవలం ఆయన్ని చూద్దామని వచ్చి..నటుడిగా, నిర్మాతగా మారాడు బండ్ల గణేష్. మన శంకరవరప్రసాద్‌గారు సినిమాతో బ్లాక్ బస్టర్ అందుకున్న మెగాస్టార్ ఇప్పుడు మెగా 158 మూవీ షూటింగ్‌లో బిజీగా ఉన్నాడు.

కేవిన్ ప్రొడక్షన్స్ నిర్మాణ సంస్థ భారీ బడ్జెట్‌తో ఈ సినిమాను నిర్మిస్తోంది. దీని తర్వాత శ్రీకాంత్ ఓదెల దర్శకత్వంలో నాని నిర్మాతగా చిరంజీవి ఓ సినిమాను చేయాల్సి ఉంది. అలాగే, ఈ సమ్మర్ కానుకగా విశ్వంభర మూవీ రిలీజ్ కావాల్సి ఉంది. మొత్తానికి, చిరు లైనప్ మాత్రం సూపర్ అని చెప్పాలి. ఇలాంటి, సమయంలో ఏకంగా మెగాస్టార్ తో స్క్రీన్ షేర్ చేసుకునే ఛాన్స్ బండ్లకి రావడం గొప్ప విషయమే. మరి, దీనిపై మేకర్స్ అధికారికంగా అప్‌డేట్ ఎప్పుడిస్తారో చూడాలి. ఇదే, నిజమైతే ఈ ట్రాలెనింగ్‌లో మెగాస్టార్ కి కథ చెప్పి నిర్మాతగా కూడా బండ్ల భారీ ప్రాజెక్ట్ ని సెట్ చేసుకోవచ్చు. చూడాలి, మరి రానున్న రోజుల్లో ఏం జరగనుందో.