Tholi Ekadashi 2026: మన హిందూ సాంప్రదాయాల ప్రకారం ఏకాదశికి ఎంతో ప్రాముఖ్యత ఉంది. అయితే ఆషాడ మాసంలో వచ్చే ఏకాదశికి మరింత విశిష్టత ఉంది అని చెప్పాలి. ఈ ఏడాది ఆషాడమాసం జులై 25 వ తేదీ తొలి ఏకాదశి వచ్చింది. ఈ ఏకాదశిని తొలి ఏకాదశి లేదా శయన ఏకాదశి అని కూడా పిలుస్తారు.దక్షిణాయానం ప్రారంభమైన తర్వాత వచ్చే ఏకాదశి కాబట్టి ఈ పండగను తొలి ఏకాదశి అని పేర్కొంటారు. ఏకాదశి తిథి శుక్రవారం ఉదయం 10.08 గంటలకు ప్రారంభమై 25 జూలై శనివారం ఉదయం 11.54 గంటలకు పూర్తి అవుతుంది. సూర్యోదయం వేళ.. ఏ తిథి ఉంటే దానిని పరిగణలోకి తీసుకుంటారు. దాంతో తొలి ఏకాదశి శనివారంగా పరిగణిస్తారు.

విష్ణు దేవుడికి ఎంతో ఇష్టమైనటువంటి ఈ ఏకాదశి రోజున ప్రత్యేకంగా శ్రీ లక్ష్మీ విష్ణు దేవుడిని పూజించడం వల్ల సర్వ పాపాలు తొలగిపోతాయని పండితులు చెబుతున్నారు.తొలి ఏకాదశి రోజున భక్తులు ఉపవాసం పాటించాలి. విష్ణువుకు ప్రార్థనలు చేయాలి. ఇలా చేయడం వల్ల విష్ణుమూర్తి అనుగ్రహమే కాకుండా లక్ష్మీదేవి అనుగ్రహం కూడా లభించి సర్వపాపాలు తొలగిపోతాయి. ఇక విష్ణు పూజలో తప్పనిసరిగా తులసి దళాలను ఉపయోగించడం వల్ల విష్ణు దేవుడి అనుగ్రహం కలుగుతుంది. పూజలో విష్ణు సహస్ర పారాయణం చదవాలి అలాగే స్వామివారికి వడపప్పు, పానకం, పేలాల పిండిని నైవేద్యంగా సమర్పించడం మంచిది. అదేవిధంగా ఏకాదశి రోజు ఉపవాసం ఉండటం ఎంతో శుభ ఫలితాలను కలిగిస్తుంది అయితే ఉపవాసం ఉన్నవారు బియ్యంతో చేసిన ఎలాంటి పదార్థాలను తినకూడదు అల్లం వెల్లుల్లి లాంటి సాత్విక ఆహారానికి కూడా దూరంగా ఉండాలి, బ్రహ్మచర్యం కూడా పాటించాలి.

Tholi Ekadashi 2026: ఏకాదశి రోజు దానధర్మాలు చేయాలి..

తొలి ఏకాదశి రోజు ఉపవాసం చేయడానికి వీలు కాని వారు పూజ చేయటానికి కూడా వీలు కాని వారు దాన ధర్మాలను చేయటం వల్ల పూజ ఫలితం లభిస్తుందని పండితులు చెబుతున్నారు.బియ్యం, బట్టలు, డబ్బులు, నీళ్లు ఇలా ఏదైనా దానం చేయాలి. పురాణాల ప్రకారం ఏకాదశి రోజున దేవశయని ఈ విధమైనటువంటి దానధర్మాలు చేయడ వల్ల గొప్ప పుణ్యఫలంతో గత జన్మల్లో పూర్వీకులు చేసిన పాపాలకు విముక్తి లభిస్తుందని నమ్ముతారు. అందుకే ఏకాదశి రోజు దానాలు చేయడం మంచిది.