Shiva Pooja: శివుడిని అభిషేక ప్రియుడు అని పిలుస్తుంటారు ఆయనకు అభిషేకం చేసి కోరికలు కోరితే తప్పకుండా నెరవేరుస్తారని భక్తులు విశ్వసిస్తూ ఉంటారు అందుకే శివుడికి వివిధ రకాల అభిషేకాలను నిర్వహిస్తూ ఉంటారు అయితే తెలిసి తెలియక భక్తులు కొన్ని వస్తువులను శివుడికి సమర్పించడం వల్ల పూర్తిగా దోషం కలుగుతుందని పండితులు చెబుతున్నారు. శివ పూజలు కొన్ని వస్తువులు పూర్తిగా నిషేధం. మరి శివుడికి పూజ చేసే సమయంలో ఎలాంటి వస్తువులను ఉపయోగించకూడదు అనే విషయానికి వస్తే..

సాధారణంగా విష్ణుమూర్తి వెంకటేశ్వర స్వామి శ్రీ కృష్ణుడికి తులసీదళాలతో పూజలు నిర్వహిస్తాము కానీ శివ పూజకు తులసీదళాలు పూర్తిగా నిషేధమని చెప్పాలి. మన హిందూ సంప్రదాయాల ప్రకారం ఎంతో పవిత్రంగా భావించే తులసి మొక్క ఆకులను శివుడి పూజలో ఉపయోగించకూడదు తులసి ఆకులకు బదులుగా బిల్వదలాలను ఉపయోగించడం వల్ల శివుడి ఆశీస్సులు మనపై ఉంటాయి. మన హిందూ సంప్రదాయాల ప్రకారం పసుపు కుంకుమ అనేది సౌభాగ్యానికి ప్రత్యేకగా భావిస్తాము అమ్మవారికి లేదా ఇతర దేవులను పూజించడానికి పసుపు కుంకుమను మొదట ఉపయోగిస్తాము కానీ శివుడికి మాత్రం పసుపు కుంకుమ సింధూరం వంటి వాటితో పూజ చేయకూడదు. శివ పూజలు కేవలం చందనం, బూడిద వంటి వాటిని మాత్రమే ఉపయోగించాలి.

Shiva Pooja: శివ పూజకు కేతకి పుష్పం అనర్హం..

శివుడు అనంతమైన జ్యోతిర్లింగ రూపంలో ప్రత్యక్షమైనప్పుడు బ్రహ్మ, విష్ణువుల మధ్య జరిగిన సంఘటనలో కేతకీ పుష్పం తప్పుడు సాక్ష్యం చెప్పిందని పురాణ కథ . ఇలా తప్పుడు సాక్ష్యం చెప్పడంతో కేతకి పుష్పం తన పూజకు అనర్హమని శివుడు శపించినట్లు తెలుస్తోంది అందుకే శివ పూజలు కేతకి పుష్పం నిషేధం.శివపూజలో సాధ్యమైనంత వరకు తాజా, శుభ్రమైన పూజా సామగ్రినే ఉపయోగించాలని సంప్రదాయం చెబుతుంది. విరిగిన బియ్యం, వాడిపోయిన పూలు, దెబ్బతిన్న ఆకులు లేదా పాడైన నైవేద్యాలను సమర్పించకపోవడం మంచిది. శివపూజలో నీరు, పాలు, బిల్వపత్రాలు, చందనం, విభూతి, పుష్పాలు, పండ్లు వంటి వాటిని సమర్పించడం వల్ల శివయ్య ఆశీస్సులు మనపై ఉంటాయి.