TDP PARTY: దేశంలోనే రిచెస్ట్‌ పార్టీగా టీడీపీ.. ఆదాయం ఎంతో తెలుసా?

TDP PARTY: దేశ రాజకీయాల్లో ప్రాంతీయ పార్టీల హవా ఏ రేంజ్‌లో ఉందో ప్రత్యేకంగా చెప్పక్కర్లేదు. ముఖ్యంగా తెలుగు రాష్ట్రాల్లోని ప్రాంతీయ పార్టీలు జాతీయ స్థాయిలో ఎప్పుడూ హాట్ టాపిక్‌గానే ఉంటాయి. తాజాగా ఎన్నికల సంస్కరణల కోసం పనిచేసే ప్రముఖ సంస్థ ‘అసోసియేషన్ ఫర్ డెమోక్రాటిక్ రిఫామ్స్’ (ADR) విడుదల చేసిన నివేదిక ఇప్పుడు దేశవ్యాప్తంగా సంచలనం సృష్టిస్తోంది. దేశంలోనే అత్యంత సంపన్న ప్రాంతీయ పార్టీగా తెలుగుదేశం పార్టీ అగ్రస్థానంలో నిలిచి అందరినీ ఆశ్చర్యపరిచింది.

ADR నివేదిక ప్రకారం.. 2024-25 ఆర్థిక సంవత్సరానికి గాను చంద్రబాబు నాయుడు నేతృత్వంలోని తెలుగుదేశం పార్టీ ఏకంగా రూ. 228.31 కోట్ల ఆదాయంతో దేశంలోనే నెంబర్ వన్ స్థానాన్ని కైవసం చేసుకుంది. కార్పొరేట్ విరాళాలు, ఇతర మార్గాల ద్వారా వచ్చిన ఈ ఆదాయంతో జాతీయ స్థాయిలోని పెద్ద పెద్ద ప్రాంతీయ పార్టీలను కూడా టీడీపీ వెనక్కి నెట్టేసింది. ఈ లిస్ట్‌లో పశ్చిమ బెంగాల్‌కు చెందిన అధికార పార్టీ తృణమూల్ కాంగ్రెస్ రూ. 219.35 కోట్ల ఆదాయంతో రెండో స్థానంలో నిలిచింది.

tdp-party-tdp-is-the-richest-party-in-the-country-do-you-know-how-much-income-it-has

TDP PARTY: టీడీపీ, వైసీపీలు ముందుండటం ఇప్పుడు రాజకీయ వర్గాల్లో పెద్ద చర్చ

ఇక ఆంధ్రప్రదేశ్‌కు చెందిన మరో కీలక పార్టీ వైఎస్సార్ కాంగ్రెస్ పార్టీ కూడా ఈ రేసులో గట్టి పోటీనిచ్చింది. రూ. 140 కోట్ల ఆదాయంతో వైసీపీ దేశంలోనే మూడో అత్యంత ధనిక ప్రాంతీయ పార్టీగా నిలిచింది. అయితే, ఆదాయం విషయంలో మూడో స్థానంలో ఉన్నప్పటికీ.. ఖర్చుల విషయంలో మాత్రం వైసీపీ సరికొత్త రికార్డ్ సృష్టించింది. గత ఆర్థిక సంవత్సరంలో ఏకంగా రూ. 340.20 కోట్లు ఖర్చు చేసి, దేశంలోనే అత్యధికంగా ఖర్చు చేసిన ప్రాంతీయ పార్టీగా మొదటి స్థానంలో నిలిచింది. ఖర్చుల విషయంలో ఒడిశాకు చెందిన బీజేడీ, బెంగాల్‌కు చెందిన టీఎంసీ వరుసగా రెండు, మూడు స్థానాల్లో ఉన్నాయి.

దేశవ్యాప్తంగా మొత్తం 67 ప్రాంతీయ పార్టీలు గుర్తింపు పొంది ఉండగా.. కేవలం 36 పార్టీలు మాత్రమే నిర్దేశిత సమయంలోగా తమ వార్షిక ఆడిట్ నివేదికలను సమర్పించాయి. ఆ 36 పార్టీల లెక్కలను బట్టే ఏడీఆర్ ఈ ఆసక్తికర నివేదికను రూపొందించింది. మిగిలిన పార్టీల వివరాలు కూడా వస్తే ఈ లెక్కలు మరికొంత మారే అవకాశం ఉంది. ఏది ఏమైనప్పటికీ, దేశంలోనే అత్యధిక ఆదాయం, వ్యయం కలిగిన టాప్ పార్టీలలో ఏపీకి చెందిన టీడీపీ, వైసీపీలు ముందుండటం ఇప్పుడు రాజకీయ వర్గాల్లో పెద్ద చర్చనీయాంశంగా మారింది.

VSR

విఎస్అర్ - సీనియర్ సబ్ ఎడిటర్: 5 సంవత్సరాలుగా.. సినిమా, హెల్త్, ఎడ్యుకేషన్, స్పిరిచువల్..వార్తలను రాస్తున్నారు. ప్రముఖ సోషల్ మీడియా వెబ్‌సైట్స్‌లో రాసిన అనుభవం కలదు. 2017 నుంచి సబ్ ఎడిటర్‌గా పని చేస్తున్నారు.

Recent Posts

Tollywood: పవన్‌తో విడిపోయిన వెంటనే అన్నా కీలక నిర్ణయం..!

Tollywood: పవర్ స్టార్ పవన్ కల్యాణ్ వ్యక్తిగత జీవితం మరోసారి రెండు తెలుగు రాష్ట్రాల్లోనూ, సోషల్ మీడియా వేదికగానూ హాట్…

1 week ago

AP POLITICS: ఏపీ లోకల్ ఎలక్షన్స్.. వైసీపీకి ప్లస్సా? మైనసా?

AP POLITICS: గత సార్వత్రిక ఎన్నికల్లో ఎదురైన ఘోర పరాజయం నుంచి వైఎస్ఆర్ కాంగ్రెస్ పార్టీ ఇంకా కోలుకోలేదా? అంటే..…

1 week ago

TS POLITICS: రేవంత్ బర్త్‌డే: పట్టించుకోని కాంగ్రెస్ పెద్దలు

TS POLITICS: తెలంగాణ ముఖ్యమంత్రి రేవంత్ రెడ్డి పుట్టినరోజు వేడుకలు ప్రస్తుతం రాజకీయ వర్గాల్లో తీవ్ర చర్చనీయాంశంగా మారాయి. ఒక…

1 week ago

NATS: షార్లెట్‌లో తెలుగు సంబరాలు.. మిషిగన్‌లో నాట్స్

NATS: అమెరికాలోని షార్లెట్‌ లో నిర్వహించిన ‘షార్లెట్ తెలుగు సంబరాలు 2026’ వేడుకలు ఘనంగా జరిగాయి. చిన్నారులు, యువత, పెద్దలు…

4 weeks ago

Sai Gangula: న్యూజెర్సీ తెలుగు సమాజానికి నాట్స్ కొత్త నాయకత్వం – చాప్టర్ లీడర్‌గా సాయి గంగుల నియామకం

Sai Gangula: న్యూజెర్సీలోని తెలుగు సమాజానికి ఉత్తర అమెరికా తెలుగు సంఘం (నాట్స్) కొత్త నాయకత్వాన్ని ప్రకటించింది. నాట్స్ న్యూజెర్సీ…

1 month ago

Srinidhi Shetty: ‘ఆదర్శ కుటుంబం’ శ్రీనిధికి టాలీవుడ్‌లో ఆఫర్స్ తెస్తుందా?

Srinidhi Shetty: కన్నడ బ్యూటీ శ్రీనిధి శెట్టికి తెలుగులో ఇప్పటి వరకూ సాలీడ్ దక్కలేదు. కన్నడలో ఆమె నటించిన కేజీఎఫ్…

2 months ago

This website uses cookies.