Health care: రాత్రిపూట ఇలాంటి లక్షణాలు మీలో కనిపిస్తున్నాయా… మీ లివర్ ప్రమాదంలో ఉన్నట్టే?

Health care: మన శరీరంలో ప్రతి భాగం కూడా ఎంతో కీలకమైనదని చెప్పాల. మన శరీరంలో ఏ భాగమైన అనారోగ్యానికి గురైన ఎన్నో ఇబ్బందులను ఎదుర్కోవాల్సి ఉంటుంది. ఇక మన శరీరంలో కీలక పాత్ర పోషించే భాగాలలో లివర్ కూడా ఉంది.ఇది శరీరంలోని మురికిని తొలగిస్తుంది. ఆహారాన్ని జీర్ణం చేయడంలో సహాయపడుతుంది. రక్త కణాల నిర్మాణంలో కూడా లివర్ కీలకపాత్ర పోషిస్తుంది అయితే రాత్రిపూట కనుక మన శరీరంలో ఇలాంటి లక్షణాలు కనబడుతున్నాయి అంటే మన లివర్ పాడైపోయినట్లేనని నిపుణులు చెబుతున్నారు.

మరి ఎలాంటి లక్షణాలు లివర్ అనారోగ్యాన్ని గుర్తుచేస్తాయి అనే విషయానికి వస్తే..మీరు రాత్రిపూట పదేపదే మేల్కొంటే, అది కాలేయం దెబ్బతినడానికి సంకేతం కావచ్చు. కాలేయం దెబ్బతినడం వల్ల నిద్ర సంబంధిత సమస్యలు తలెత్తుతాయి. ఇక రాత్రి సమయంలో మీ శరీరం చాలా దురదగా ఉంటుంది. ఇలా శరీరం ఎప్పుడైతే దురద పెడుతుందో అప్పుడు మీ కాలేయం ఆరోగ్యంగా లేదని అర్థం.

కాలేయం దెబ్బతినడం వల్ల పాదాలు, చీలమండలలో వాపు కనిపిస్తుంది. ఈ వాపు రాత్రిపూట ప్రత్యేకంగా కనిపిస్తుంది. అదేవిధంగా రాత్రిపూట వికారం వాంతులు వంటి సమస్యలు కూడా తలెత్తుతూ ఉంటాయి.కాలేయం దెబ్బతినడం వల్ల మూత్రం పసుపు రంగులోకి మారవచ్చు. కాలేయం ఉత్పత్తి చేసే బిలిరుబిన్ అనే పదార్ధం పెరగడం వల్ల ఇది వస్తుంది. ఇలాంటి లక్షణాలు కనుక మీకు రాత్రి పూట కనిపించినట్టయితే ఏమాత్రం ఆలస్యం చేయకుండా వెంటనే డాక్టర్ ను సంప్రదించి సరైన చికిత్స తీసుకోవడం వల్ల కాలేయాన్ని కాపాడుకున్నట్టేనని ఆరోగ్య నిపుణులు చెబుతున్నారు.