Spirituality: ఇంట్లో శివలింగాన్ని పూజిస్తున్నారా.. ఈ నియమాలు పాటించడం తప్పనిసరి!

Spirituality: సాధారణంగా మనం ప్రతిరోజు మన ఇంట్లో పూజ కార్యక్రమాలను ఎంతో నియమనిష్టలతో పాటిస్తూ ఉంటాము అయితే ఇంట్లో ప్రతి ఒక్కరు కూడా వారి ఇష్ట దైవారాధనను చేస్తూ ఉంటారు ఈ క్రమంలోనే చాలామంది శివుడి భక్తులు కూడా ఉంటారు. ఇలా శివయ్య భక్తులు ఇంట్లో శివలింగాన్ని ఏర్పాటు చేసుకొని పూజిస్తూ ఉంటారు అయితే ఇంట్లో శివలింగం ఉంది అంటే సాధారణంగా పూజలు చేయకూడదు చాలా నియమనిష్టలతో పూజ చేయాల్సి ఉంటుంది శివలింగాన్ని పూజించేటప్పుడు తప్పనిసరిగా కొన్ని నియమాలను పాటించాలి. మరి శివలింగం పూజించేటప్పుడు పాటించాల్సిన నియమాలు ఏంటి అనే విషయానికి వస్తే..

పూజ చేయడానికి ముందు మనం శుభ్రంగా స్నానం చేస్తాము అయితే శివుడికి పూజ చేసే సమయంలో స్నానం చేసిన తర్వాత మన నెత్తిపై కాస్త గంగాజలం చల్లుకోవాలి అలాగే మన ఇంటి లోను ఇంటి చుట్టు పరిసర ప్రాంతాలలో కూడా గంగాజలం చల్లిన తర్వాత శివలింగానికి పూజ చేయాలి.శివలింగంను దాని స్థానంలో పెట్టేటప్పుడు పాదాలను తాకి, ఆ తర్వాత ఒక గిన్నెలో శివలింగాన్ని పెట్టి దానిలో గంగా జలం కలిపిన నీటిని పోయాలి. ఒకవేళ రాతి రూపంలో ఉంటే, గంగా జలంతో శుభ్రం చేయాలి.

ఈ విధంగా శివలింగాన్ని గంగాజలంతో శుభ్రం చేసిన తర్వాత పసుపు కుంకములు పెట్టకుండా కేవలం చందనం కలిపి మూడు అడ్డ నామాలను పెట్టాలి.ఇంటిలో శివలింగంను పెట్టినప్పుడు బంగారు, వెండి లేదా ఇత్తడితో తయారు చేసిన నాగ పడగలో ఉంచాలి. ఇంట్లో శివలింగం ఉంది అంటే తప్పనిసరిగా జలధార కూడా ఉండాలి ఇలా జలధార లేదు అంటే ఇంట్లో ప్రతికూల శక్తి ఏర్పడుతుంది.శివలింగంను ఎప్పుడు ఒంటరిగా ఉంచకూడదు. శివుని పక్కన బంకమట్టితో చేసిన గౌరీ మరియు వినాయకుడు ఉండాలి. ఇక ప్రతిరోజు శివుడికి పూజ చేయాలి అలాగే తెల్లటి పుష్పాలతో పూజ చేయడం ఎంతో మంచిది.